Behçet xəstəliyi nədir?

Behçet xəstəliyi, qan damarı divarları və toxumaların iltihablanması ilə yaranan, təkrarlayan ağız yarası, üveit kimi göz və dəri başda olmaq üzrə vücudun bir çox nahiyəsinə təsir edən otoinflamatuar bir xəstəlikdir. İpək yolu xəstəliyi olaraq da bilinən behçet xəstəliyi dəri, gözlər, oynaqlar, sinir sistemi, ürək-damar sistemi və mədə-bağırsaq dediyimiz qastrointestinal sistemə təsir göstərir. Behçet xəstəliyi, vaskülitin hər növ damarı tuta bilir, bir çox orqan və toxumada mənfi sonlanmasına səbəb ola bilir.

Dəri yaralarına da səbəb olan behçet xəstəliyi göz, oynaqlar, bağırsaqlar, beyin, həzm sistemini də təsir göstərir.

Behçet xəstəliyinin əlamətləri nələrdir?
Ən çox görülən əlamətləri ağız yaraları, göz iltihabı, dəri səpkiləri və genital yaralardır. Bundan əziyyət çəkən şəxslərdə görülə biləcək əlamətləri təqdim edirik:

Agız yaraları

Ağrılı və təkrarlayan lezyonlar

Ayaqlarda qırmızı, həssas şişliklər və sızanağa bənzər ləkələr

Gözlərdə ağrı, qızarıqlıq və bulanıq görmə

Oynaqlarda ağrı, qızarıqlıq

Oynaqlarda şişlik

Şiddətli baş ağrısı

Dərinin həssaslaşması

Qarın ağrısı, həzmsizlik və s.

Behçet xəstəliyi hər kəsə fərqli təsir göstərir. Bənzərlərini təqdim edirik:

Ağrılı olaraq ortaya çıxan ağız yaraları, mütəmadi təkrarlaya bilər. Yaralar sadə olsa da daha ağrılı ola bilir. Behçet xəstəliyi səbəbindən ortaya çıxan ağız yaraları dodaqlarda, dildə, yanaqda görülür.
Ağız yaralarına bənzər olaraq görülən genital yaralar ağrılı ola bilər. Ağız yaraları qədər yayğın olmayan genital yaralar kişilərdə, qadınlarda görülür.

Behçet xəstəliyinin əlamətlərindən biri də göz iltihabıdır. Bu da zamanla görmə itkisinə yol aça bilər.

Dəri problemləri də behçet xəstəliyinin yayılmış simptomları arasında yer alır. Dərinin cızılması və ya deşilməsi vəziyyətində qırmızı şişlik və ya yara yarana bilər.

Oynaq ağrısı digər əlamətdir və çox görülür. Bu problemdə oynaq iltihabı şişlik, qızarıqlıq və həssaslıq görülür.

Kimlərdə görülür?

Kişilərdə qadınlarla müqayisədə daha çox görülən behçet xəstəliyi 20 ilə 45 yaş arasındakı şəxslərdə ortaya çıxa bilir. Bununla yanaşı HLA-B5 və ya HLA-B51 kimi spesifik genlərə sahib olanlarda görülür.
Müalicəsi nədir?

Müalicənin əsas məqsədi əlamətləri aradan qaldırmaq, yaxşılıq halını davam etdirmək və xəstələrin yaşayış keyfiyyətini yaxşılaşdırmaqdır. Bunun üçün kremlər, qarqaralar və speylər adətən ağız və genital yaralar üçün tövsiyə edilən ilk müalicə üsuludur. Həmçinin həmin nahiyəni qorumaq üçün ağrıkəsici kremlər, gellər və bəzən antimikrobial və ya antibiotiklərdən istifadə edilə bilər. Hazırda problemi birdəfəlik aradan qaldıran müalicə üsulu yoxdur, ancaq əlamətləri və simptomları azaltmaq mümkündür.
Xəstəlik əsnasında yaranan simptomlar 1-3 həftə içərisində keçir.