Allergik rinit nədir?

Əlamətləri adətən qrip infeksiyası ilə qarışdırılan allergik rinit özünü burun, göz, qulaq və boğaz qaşınması, burun tutulması, asqırmaq kimi əlamətlərlə göstərir.

Doktorinfo.az xəbər verir ki, allergik rinit burunun selikli qişasının allergen adlandırılan, orqanizm üçün yad olan maddələrə verdiyi iltihabi reaksiyasıdır. Əlamətlər mütəmadi davam etdiyi üçün adi qripdən seçilir.
Son zamanlar bu problem dünya üzərində belə artış göstərir. Bunu adətən uşaqlarda artıq çəki, hava çirkliliyi kimi faktorlarla əlaqələndirirlər.

Allergik rinitin elametleri

Qulaq, damaq, boğazda qaşıntı

Tez-tez burun qanaması

Gözdə allergiya varsa sulanma və qaşınma

Qarın ağrısı və iştah azalması

Qulaqda maye toplanması

Burunla əlaqəli olaraq boğazda tez-tez infeksiyanın baş verməsi

Burun axıntısı

Gözlərdə qızarıqlıq

Tez-tez asqırmaq

Allergik rinitin səbəbləri:

Genetik – ən əsas səbəblərdən biridir. Ailədə allergik qrip, astma və ya bu səbəblə bağlı digər xəstəliyin olması allergik qripin inkişafı üçün əsas faktordur.

Aparılan araşdırmalara görə, kişilərdə allergik qrip daha çox müşahidə edilir.

Kifli və ya nəmli ortam – allergiyanın baş qaldırması üçün əsas faktordur desək yanılmarıq.

Siqaretdən istifadə və ya həmin məkanlarda yer almaq – tüstüsü artıq allergiyanın artması üçün kifayət edəcəkdir.

Allergenlər allergik rinit, qripin inkişafı üçün vacib faktordur. Ən geniş yayılanı isə havada mövcud olan allergendir.

Uşaqlarda rinitin ən çox müşahidə edilən səbəbləri nələrdir?

Ağaclarda, çəmənlərdə mövcud olan tozlar

Kif

Heyvan tükləri

Tütün dumanı

Bəs diaqnoz necə qoyulur?

Allergiya adətən kiçik yaşlardan özünü biruzə verir. Sadalanan faktorlar isə artmasına təkan verir.

Uşağın bütün müayinəsi normal dəyərləndirilə bilər. Əsasən burun daxilindəki toxumaların şişlikləri, göz altındakı dəri rənginin tünd olub-olmadığı yoxlanılır.

Bununla yanaşı tibbi keçmiş dəqiq şəkildə öyrənilir.

Gərək duyularsa allergiya testi edilir. Bunun üçün uşağın bir yaşı keçməsi kifayətdir.

Allergiya testini kim edir?

Bunun üçün allergiya üzrə mütəxəssisə, allerqoloqa müraciət edilməlidir. Çünki diaqnoz ilə yanaşı müalicə planı da qurulmalıdır. Allergiya dərhal sağalan və keçən problem deyil. Uzunmüddətli və planlı şəkildə müalicə almaq tövsiyə edilir. Qeyd edək ki, allergiya adətən birdəfəlik sağalmasa da nəzarət altına almaq mümkündür. Allergendən qorunaraq effektliyi uzun müddətlik etmək olar.

Bəs bu test qandan və ya dəridən edilir?

Qandan əldə edilən allergiya testlərinin bahalı olması, cavabının gec çıxması səbəbiylə adətən daha çox dəri üzərindən yoxlanılır.

Allergik rinitin mualicesi nece aparilir?

Dərman müalicəsi, peyvənd, burun spreylərindən istifadə edilir. Həmçinin allergen tapılaraq ona uyğun müalicə sxemi tətbiq edilməlidir.

Burun spreyləri ən çox 7 gün istifadə edilməlidir. Mütəmadi formada istifadə edilirsə burun tıxanması daha çox baş verir. Həkim təyinatı üzrə qəbul edilməlidir. Əks halda orqanizm problemə qarşı effektli cavab verməyəcəkdir.