Ağız yaralarının müalicəsi

Agiz yarasi, ağız boşluğundakı badamcıq, damaq, iç yanaq, dil və diş ətlərində ortaya çıxan oral ülser olaraq adlandırılan, oval formalı sarı, boz və ağ rəngli qabarcıq şəkilli iltihablı yaralardır.

Doktorinfo.az xəbər verir ki, aftöz stomatit olaraq da adlandırılır. Kiçik ölçüdəki yaraların yaxşılaşma müddəti daha qısadır. Yaraların ağrı səviyyəsi şəxsdən-şəxsə dəyişir.

Ağız yaralarinin yaranma sebebi

Əsas səbəblərindən biri keçirilən xəstəliklərdir. Çölyak, HİV, Herpes, əl-ayaq xəstəliyi kimi bir çox problemlər buna zəmin yaradır.

Ağız daxilindəki yaralanmalar nəticəsində mukoza zərər görür. Bu zaman agiz yaralari ortaya çıxır.
Uyğunsuz formada hazırlanan protezlər ağız içində yaraların yaranmasına səbəb ola bilər.

Vücuddakı B12 vitamini ilə dəmir və fol turşusu əksikliyi ağız yaralarına zəmin yaradan problemlərdir.

Genetik səbəblər ağız yaralarının səbəbi arasındadır.

Vücuddakı hormonal dəyişikliklər bir çox narahatçılıq olduğu kimi ağız zədələnmələrinə də səbəb ola bilir.

Bu yaralar stresə səbəb olaraq da yarana bilər.

Agiz yaralarinin elametleri nelerdir?

Danışarkən ya da yemək yeyərkən hiss edilən ağrı, sızlanma və həddindən çox həssaslıq

Ağız mukozasında qızarıqların və qabarcıqların yaranması

Ağız yarasının görüntüsü yara ətrafından iltihablanma formasında olur.

Ağız yarasının müalicəsi necə aparılır?

Bir sıra üsullardan istifadə edilir:
Su və duz - İlıq su ilə qarışdırılmış duz, ağız yaralarının təmizlənməsinə kömək edə bilər. Bununla qarqara etmək, yara nahiyəsini təmizləyər və yaxşılaşma müddətini sürətləndirə bilər.

Ağız qarqarası – Həkim nəzarəti altında istifadə edilən antiseptik xüsusiyyətlərə sahib ağız qarqaraları ağız içindəki bakteriyalarla mübarizə apararaq sağalmasına dəstək olur.

Vitamin və mineral əlavələri – Ağız yarasının səbəbi vitamin və ya mineral əksikliyidirsə, həkimin tövsiyə etdiyi əlavələr istifadə edilməlidir. Xüsusilə B vitaminləri, dəmir, sink kimi qida əlavələri ağız sağlamlığını dəstəkləyə bilər.