Ağız qoxusunun səbəbləri

Əksər insanda adətən səhərləri yaranan ağız qoxularının fizioloji baxımından normal qəbul edilir. Axşamlar istifadə edilən qidaların dil üzərində toplanması nəticəsində səhərlər bu qoxu vəziyyəti yaşana bilər. Ağız təmizliyi və diş fırçalama ilə bu problem aradan qalxır. Ancaq uzunmüddət davam edərsə stomatoloqa müraciət etmək tövsiyə edilir.

Ağız qoxusunun səbəbləri nələrdir?

Ən mühüm səbəbi ağız təmizliyi və qulluğunun düzgün formada edilməməsidir. Həmçinin bu, yeyilən qidalarla da bağlı ola bilər.
Gündəlik diş qulluğunun edilməsi çox vacibdir. Dişlərin fırçalanması, diş iplərindən istifadə, qarqaraların edilməsi əhəmiyyət kəsb edir.
Uzunmüddətli ağız qoxusu isə damaq, diş problemlərindən xəbər verə bilər. Ağız qoxusunun digər səbəblərini təqdim edirik:

Ağız daxilində yaranan göbələk

Sinüzit

Badamcıq iltihablanması

Mədə-bağırsaq problemləri
Spirtli içkidən istifadə

Ağız quruması

Şəkər xəstəliyi

Böyrək problemləri

Ağız qoxusu hansı xəstəliklərin əlaməti ola bilər?

Diş çürüməsi

Faringit

Burun axıntısı problemləri

Boğaz iltihabı

Həzm sistemi problemləri

Böyrək çatışmazlığı kimi sistemik xəstəliklər

Şəkər xəstəliyi

Xüsusilə qeyd edək ki, diabet xəstələrində xüsusi qoxu meydana gəlir.
Ağız qoxusu ilə bağlı xəstəliklər necə təyin edilir?

İlk olaraq diş həkiminə müraciət edilməlidir. Ağız içi ətraflı müayinə olunmalıdır. Qoxunun altda yatan səbəbi əgər diş və bənzər problemlərdən qaynaqlanmırsa həkim sizi digər sahə üzrə istiqamətləndirəcək.

Ağız qoxusunun müalicəsi
Ağız daxilindən qaynaqlanan qoxudursa ilk olaraq çürüklər müalicə edilir, diş fırçalamaq tövsiyə edilir. Müəyyən qarqaralar təyin edilir. Dişi çox fırçalamaq da diş ətlərinə zərər verə bilər bu səbəbdən qədərində etmək lazımdır.

Bu zaman dil təmizləmə fırçasına da ehtiyac ola bilər. Çünki toplanan bakteriyalar da buna səbəb yarada bilər. Çoxlu maye qəbul etmək də ağız qoxusunu dəf etmək baxımından faydalıdır.

Siqaretdən istifadə edən insanlarda ağız qoxusu həddindən çox olur. Bunun üçün ən təsirli müalicə növü siqaretdən imtina edilməsidir.
İldə iki dəfə diş müayinəsi mütləq hesab olunur.