Yumurtalıq xərçənginin simptomları və müalicəsi

Yumurtalıq xərçəngi yumurtalıq toxumasında mövcud hüceyrələrin nəzarətsiz böyüməkləri və çoxalması nəticəsidə yaranır. Bu növ xərçəng, yumurtalıqda yarandığı üçün qadınlarda görülür. Yumurtalıqlar qadınlarda uşaq dünyaya gətirə bilmək vəzifəsini yerinə yetirir. Yumurtalıq toxuması bir-birindən fərqli hüceyrələrdən meydana gəlir. Adətən epitelyum hüceyrələrdən qaynaqlanan şişlərlə ortaya çıxır. Görülmə sıxlığı yaşla birlikdə artır. Hər 100 qadından 1,4-də müşahidə edilir. Erkən diaqnoz bu xəstəlik üçün çox vacibdir.

Səbəbləri nələrdir?

Xərçəngin digər növləri kimi bu xəstəliyin də yaranma səbəbi dəqiq məlum deyil. Ancaq genetik faktorlar, düzgün qidalanmamaq, hormonal problemlərin buna yol açdığı zənn edilir. Bu səbəbdən birinci dərəcə sayılan qohumlarda süd vəzi, yumurtalıq, uşaqlıq xərçəngi aşkar edilən qadınlar bu risk qrupuna daxildirlər.

Risk faktorlarını təqdim edirik:

İrəliləyən yaş

Piylənmə

Geç doğuş etmək və ya etməmək

Genetik faktor

Sonsuzluq müalicəsi alanlar

Süd vəzi xərçəngi

Siqaret və s. kimi pis vərdişlərdən uzaqlaşmaq.

Əlamətləri nələrdir?
İlkin dövrdə hansısa əlamət verməyə bilər. Bu səbəbdən yumurtalıq xərçənginin ancaq 20 faizi erkən mərhələdə təsbit edilir.
Əlamətlərinin gec ortaya çıxmasının səbəbi, şiş olan toxumanın qarın boşluğu içində böyüməsi və uzunmüddət xəstəni narahat etməməsidir. Ancaq yenə də daxili qarın nahiyəsində təzyiq artışına bağlı olaraq şikayətlər görülə billər. Yumurtalıq xərçəngi aşağıdakı əlamətlərlə özünü biruzə verir:

Daxili qarında artan şişkinlik hissi

Halsızlıq, yorğunluq hissi

Qaz və həzm problemləri

Mədə bulantısı

Bel ağrısı

Tualet vərdişlərində fərqlilik – Uzunmüddətli qəbizlik, tez-tez sidiyə getmək

Menstruasiyanın zamanında olmaması

Cinsi münasibət zamanı ağrı və s.

Bu əlamətlər ilkin ərəfədə meydana çıxmadığı üçün zamanında müayinəyə getmək lazımdır. Erkən diaqnoz qoyulduğu zaman uğur əldə etmək daha da asanlaşır.

Diaqnoz
Bir çox üsulla bunu təsbit etmək mümkündür. Ginekoloq tərəfindən müayinə vacibdir. Həmçinin USM aparılması təsdiq üçün gərəklidir. Dəqiq növü isə toxumalardan əldə edilən biopsiya nəticəsində məlum olur.

Yumurtalıqda görünən hər kistanın xərçəng olduğuna dəlalət etmir. Bu müayinə və analizlər nəticəsində müəyyən edilir. Xəstəliyin bir neçə mərhələsi mövcuddur. Aşkar edildiyi zaman xəstəliyin hansı mərhələdə olması müalicənin növünü dəyişdirə bilir. Bəzi şişlər zamana buraxılır və nəzarət altına alınır.

Müalicə üsulları

İlk müalicə üsulu olaraq cərrahi əməliyyat düşünülür. Xəstəliyin ilkin mərhələsində şişin aşkar edilməsi ilə bərabər adətən əməliyyat qərarı verilir. İlkin ərəfələrdə qarın boşluğundakı zərərli şişlər çıxarılır. Əməliyyat əsnasında gərək duyularsa bağırsaq parçalarının çıxardılması da mümkün ola bilər. Əməliyyatdan sonra da kimyaterapiyalar, dərman müalicəsi edilir. Xəstəliyin müalicəyə cavab verməsi şişin yayılması ilə birbaşa əlaqəlidir. Erkən dövrlərdə 80-90% müsbət nəticələr əldə etmək mümkündür. Bununla birlikdə 4-5 aydan bir müayinələr aparılmalıdır. Bəzən əməliyyatlar 2-4 dəfə təkrarlana bilər.