Saç niyə yağlanır? – Təbii vasitələrlə çarəsi

Bir çox insan saç yağlanmasından əziyyət çəkir. Bəzən bu ötəri səbəbdən qaynaqlanır, bəzən isə dermatoloji səbəb olur.

doktorinfo.az saçların tez yağlanmasına səbəb olan faktorları təqdim edir:

Saçları çox isti su ilə yumaq

Saç tipinə uyğun şampunlardan istifadə etməmək
Saçları yaxşı durulamamaq

Saç diblərinə saç kremi ya da yağlı saç maskaları tətbiq etmək

Gün ərzində tez-tez saçlara toxunmaq, saçlarla oynamaq

Gərəkdiyindən artıq yumaq

Qurulayan dəsmalın təmiz olmaması

Jele kimi məhsulların yanlış istifadəsi

Yağlı saçlar üçün istifadə edilən şampunların tərkibində kimyəvi maddələr olduğu üçün bəziləri bu növ qatqılı şampunlardan istifadə etmək istəmirlər. Şampun və serumlarla yanaşı bu problemi təbii üsullarla həll etmək mümkündür.

Bəs təbii vasitələrlə bu problemi necə həll etmək mümkündür?

Alma sirkəsi – Sirkələrin içində mövcud olan və sirkəyə həm kəskin dadını həm də qoxusunu verən asetik asit, saç dərisindəki pH tarazlığının təmin olunmasında vacib rol oynayır. Saça tətbiq olunan tonik kimi su ilə qarışdıraraq saçınıza tətbiq olduğunda həm yağlanmadan xilas olacaqsınız, həm də yumşaq və parlaq saçlara sahib olacaqsınız.
Alma sirkəsi əvəzinə üzüm sirkəsindən də istifadə edə bilərsiniz.

Lavanda – Sirkənin qoxusu sizi narahat edirsə ya da saçlarınızın üzərində gözlənilmədik təsiri yaradıbsa, daha qoxulu alternativ üsul lavandadır. Bunun üçün qurudulmuş lavanda yarpaqlarını alın, təxminən 2-3 stəkan suyun içinə bir tutam atın və 10 dəqiqə qaynadın. Əldə etdiyiniz suyun ilıqlaşmasını gözləyin. Soyuğa yaxın haldaykən quru saçlarınıza dibdən uca çəkib 30 dəqiqə gözlədin. Ardından hər zamanki kimi saçlarınızı yuyub yaxşı durulayın. Bunu həftədə 1 dəfə, probleminizdən xilas olanadək edin.

Qara çay – Çayın içində mövcud olan maddələr saçların tez yağlanmasının önünə keçir. Təxminən 1 su stəkanı qədər dəmlənmiş qara çayı saçlarınıza dibdən uca tətbiq edin və təxminən 10-15 dəqiqə saçınızda gözlətdikdən sonra durulayın.

Nanə - İçərisindəki yararlı maddələr sayəsində həm saç dərinizin pH tarazlığını qurmağınızda həm də fərahlanmasında təsirli olan bitkilərdən biridir. Təzə halda tapmasanız qurudulmuş nanələri təmin edərək işə başlayın. 1 ovuc qurudulmuş nanəni 1 litr suyun içində qaynamağa qoyun. Ardından süzüb əldə etdiyiniz suyun ilıqlanmasını gözləyin. Sprey şüşəsinə töküb saçlarınıza tətbiq edin. 10-15 dəqiqə gözlədib durulayın.
Pomidor – Limon kimi pomidor da asidik quruluşda olduğu üçün saçlardakı yağlanma probleminin azalmasında təsirli adlardan biridir. 1 böyük pomidoru alıb qabıqlarını soyun və rəndədən keçirin. Ardından incə süzgəcdən keçirərək suyunun çıxmasını təmin edin. Əldə etdiyiniz bu pomidor suyunu saç dərinizə tətbiq edib 25-30 dəqiqə qədər gözlədin və saçlarınızı gözəlcə yuyub durulayın.

Limon - 1 su stəkanı suyun içinə 1 ədəd yeni sıxılmış limonun suyunu əlavə edib qarışdırın. Sprey şüşəsinə qarışımı saç diblərinə tətbiq edib 10 dəqiqə gözlədin. Bu zaman yüngül qaşıntılar ola bilər. Saçlarınızı dərhal ardından yaxşı yuyub durulayın. Əgər saç dəriniz həssasdırsa bu qarışıma 1 şirniyyat qaşığı qədər bal da əlavə edə bilərsiniz.