Qlutensiz qidalanmaq nədir?

Son illərdə aparılan araşdırmalara görə, tərkibində qluten olmayan qidaların istifadəsi ömürü daha çox uzadır. Belə qidalanan şəxs daha enerjik olur, çəkini daha rahat verir. Sağlamlıq problemi olmadığı halda sadəcə arıqlamaq üçün qlutensiz qidalanma pəhrizinin davam etdirilməsi fiziki və ruhi problemlərə yol aça bilər.
Qluten, buğda, arpa, çovdar kimi taxıllarda mövcuddur. Bəzi insanlarda bu, həzm problemlərinə yol aça bilər. Bitki tərkibli protein olan qluten, çörək, makaron, bulqur, keks kimi şirniyyat məhsullarında, burğda, arpa tərkibli içkilərdə mövcuddur.

Qluten tərkibli qidalar nələrdir?

Çörək, lavaş kimi xəmir qidaları

Makaron, bulqur, un tərkibli suplar

Şirniyyat məhsulları

Çovdar və taxıldan əldə edilən qidalar

Kartof qızartması, cips

Qəhvə növləri

Qlutensiz pəhriz nədir?

Müalicə məqsədilə istifadə edilir. Çölyak xəstələri, buğdaya allergik reaksiyası olan şəxslər istifadə edirlər. Bununla qlutenli qidaların istifadəsi zamanı yaranan sağlamlıq problemləri aradan qalxır. Sağlam qidalanmaq istəyən şəxslər də belə qidalana bilər. Gündəlik istifadə edilə biləcək qluten miqdarı məlum deyil. Kartof, qara düyü, yulaf əzməsi, dəniz məhsulları, toyuq, yumurta, tərəvəzlər, qarğıdalı, toyuq, meyvə və tərəvəzləri rahatlıqla istifadə edə bilərsiniz.

Qlutenin zərərləri nələrdir?
İmmunitet sistemi qlutenə reaksiya verirsə, bu zaman sağlamlıq problemləri yarana bilər.

Əgər valideyndə qlütenə qarşı həssaslıq varsa, bu genetik ola bilər. Belə bir hal olarsa şişlik, kəskin qoxu, ishal kimi problemlər ola bilər.

Artıq qlutensiz makaron, çörəyi rahatlıqla mağazalarda əldə etmək mümkündür.

Qlutenli qidalanma əgər şəxsə mənfi təsir edirsə bu ilk olaraq mədə-bağırsaq sisteminə təsir göstərə bilər. Xüsusi nəisə yeyilməsinə baxmayaraq mədə-bağırsaq sistemində ciddi problem, pozulma varsa qluten allergiyasından şübhələnmək mümkündür. Bunun üçün həkim analizlər təyin edə bilər.