Qarından qurultu səsləri nə üçün gəlir?

Mütəxəssislər qarın quruldamalarının olduqca normal bir hadisə olduğunu və bu vəziyyətin yaşandığı zaman narahatçılığa ehtiyac olmadığını dilə gətirirlər. Uzunmüddət bu səslər davam edərsə bu halda hansısa xəstəliyin xəbərçisi ola bilər.

Bəs qarın quruldamaları nə üçün ola bilər?

Səbəb olan faktor, qarında deyil, əslində mədədə baş verir.
El arasında adətən aclıq hissindən qaynaqlandığı deyilir. Bu ən sadə səbəblərdəndir.
Əgər tox olan zaman bu vəziyyəti yaşayırsınızsa bağırsaqlarınızla bağlı az da olsa problem vardır deyə düşünə bilərsiniz.
Gərgin və yuxusuz anlarda da mədəniz reaksiya göstərir və səslər çıxara bilər.
Yediyiniz qidaların və içdiyiniz içkilərin də təsirini unutmamaq lazımdır.
Karbonhidrat yüksəlməsi baş verdiyi zaman bu hal daha çox yaşanır.
Mədəniz ilə həzm sistemi arasındakı bir reaksiyadan yaranan qarın quruldamaları, mədənizə qida daxil olduğu vəziyyətlərdə hiss edilir.
Mədəyə gələn qidalar mədə şirəsi ilə qarışakən, metabalizma fəaliyyətinin nəticəsində səslər yaranacaq.
Həzm sistemindəki hava, bağırsaqlardakı hava ilə qarışdığı zaman mədədə partlayış tipli səslər çıxa bilər. Bu vəziyyəti şəxs, qarın quruldaması olaraq hiss edir. Ac olan zaman eşidəcəyiniz bu səslər, tox mədədə az hiss edilir.
Pəhriz zamanı da bu vəziyyət hiss edilə bilər.
Sürətli yeyilən qidalar zamanı quruldamalar yarana bilər.

Asitli içkilər mədəni zədələyərək səslərin yaranmasına yol açır.

Siqaret və spirtli içkilərin istifadəsi bu vəziyyətin yaranmasının səbəblərindəndir.

Bundan başqa menstruasiya zamanı da bu quruldamalar yarana bilər.

Süd və süd məhsullarına həssaslığı olan vücudun buna reaksiyası nəticəsində səslər çıxa bilər.

Qarın quruldaması qasıq ağrısı, xüsusilə göbəyin alt qismində ağrı ilə özünü göstərirsə bağırsaqlarla əlaqəli ola bilər.

Qarın quruldamasının qarşısı necə alınır?
İlk olaraq qida rasionunuzda dəyişiklik edə bilərsiniz.

Asitli içkiləri menyünüzdən çıxarın. Asitli və qazlı içkilər mədəni genişləndirərək daha çox hava almasına səbəb olur. Bu zaman da quruldamalar yaranır.
Yemək yemə vərdişiniz olmalıdır. Yaxşı formada çeynəyin. Az çeynənilən zaman bu mədəni yoracaqdır.

Yeməklərdən sonra mədənizi dincəldin. Dərhal çay, kofe içməyin. Yeməkdən sonra bitki çayı içə bilərsiniz. Bu mədənizi rahatlaşdıracaq.

Həyatınıza hərəkət qatın. Az hərəkət zamanı mədə yorulur. İdmanla məşğul olan insanların metobalizma sitemi daha sürətli çalışır.

Stresə səbəb olacaq hər növ faktoru həyatınızdan uzaq tutun. Aparılan araşdırmalara görə, mədə xəstəliklərinin təməlində stress vardır.

Xalq təbabəti üsulları ilə mədəni rahatlaşdırmaq olarmı?
Yaşıl çay – Səhər yeməyi zamanı içilərsə gün ərzində mədə rahat olacaq.

İlıq limonlu su – Həzm fəaliyyətinizin daha sürətli və rahat keçməsi üçün gün ərzində ilıq və limonlu su istifadə edə bilərsiniz. Mədədə asitlənmə yaranmasının qarşısını alacaq.

Zəncəfil çayı da mədə narahatçılıqların aradan qaldırılması üçün faydalıdır.

Əgər bunların faydası yoxdursa və ağrılar, səslər davam edirsə qastreontoloqa müraciət etməlisiniz.