Qadınların ortaq problemi fibroadenomalar xərçəngə çevirə bilərmi?

Fibroadenoma, süd vəzisinin tez-tez rast gəlinən xoşxassəli şişidir. Xüsusilə qadınlar arasında çox müşahidə edilir. Belə şişlər adətən xərçəngə çevrilmir. 15-35 yaş arası şəxslərdə daha çox yayılıb. Bu növ şişlərin quruluşu sərt, üzəri təmiz, sərhədi genişlənmir. Müayinə zamanı dəri altında rahatlıqla hiss edilir. Fərqli böyüklüklərdə olur. Özlüyündə böyüyüb-kiçilə bilər. Sayca birdən də artıq olması mümkündür. Hamiləlik və ya hormon müalicəsi zamanı adətən böyümə baş verə bilir.
Müxtəlif növləri mövcuddur. Belə ki, məsələn "bəsit" adlanan fibroadenoma süd vəzi xərçəng riskini artırmır.

Kompleks adlanan fibroadenomaları meydana çıxaran hüceyrələr sürətlə bölünə bilir və bununla da sərhədi genişlənə bilir. Adətən yaşlı qadınlarda görülür.

"İri" fibroadenomaların böyüklüyü 5 sm-dən daha böyük ola bilər. Süd vəzi toxumasına təzyiq göstərdiyi üçün cərrahi müdaxiləyə ehtiyac duyula bilər.

Tam dəqiq təsdiqini tapmasa da bəzi alimlər belə şişlərin bəzilərinin xərçəngə çevirmək ehtimalının olduğunu qeyd edirlər.
Bəs əlamətləri nələrdir?

Yumrudur

Rahatlıqla hərəkət edə bilir

Bərk formadadır

Bir və ya hər iki süd vəzində mövcud ola bilər.

Əgər özünüz yoxlayan zaman əlinizə yumru şiş gəlirsə vaxt itirmədən həkimə müraciət etməlisiniz.

Diaqnoz necə qoyulur?

İlk olaraq süd vəzi yoxlanılır. Həkim baş verən dəyişiklikləri müayinə edir. Çünki bəzi fibroadenomalar əllə hiss edilməyəcək dərəcədə kiçik olurlar.
Süd vəzi şişini yoxlamaq üçün mammoqrafiya üsulundan istifadə edilir. Bu, şübhəli toxumaları dərindən izləməyə imkan verir.

Bu şikayətlə müraciət edən 35 yaşdan kiçik qadınlarda ilk yoxlanış USM vasitəsilə olur. Şübhəli vəziyyət yaranarsa digər müayinə üsullarında izlənilir.
Əslində tam dəqiq diaqnoz üçün biopsiya ilə nümunə götürüb analiz edilməlidir. Düzgün diaqnoz üçün isə "üçlü test"lərdən istifadə edilir. Çünki radioloji müayinə ilə bunu söyləmək olur ancaq biopsiya bu barədə olan suallara son nöqtəni qoyacaqdır.

Müalicə necə edilir?

Adətən müalicəyə ehtiyac duyulmur.
Əgər xanım 35 yaşından kiçikdirsə, şiş elə də təhlükəli görüntüdə deyilsə adətən müəyyən aralıqlarla davamlı nəzarət altında USM gərəkli ola bilər. Yox əgər yaşı çoxdursa adətən cərrahi müdaxilə ilə götürülməsi tövsiyə edilir.

Bəs nə zaman fibroadenomaları əməliyyat etmək lazımdır?

Yaşı 35-dən yuxarı olan qadınlardakı fibroadenomalar

2 sm-dən böyük olarlarsa

USM ilə müayinə zamanı quruluşunda, böyüklüyündə dəyişiklik görünərsə

Ailədə xərçəng xəstəsi olanlar.

Əks halda mütəmadi yoxlanış tövsiyə edilir.