Parasetamol tablet

Xəstəliklər, xüsusilə də soyuqdəymələr zamanı istifadə edilən dərmanlardan biri də parasetamoldur.

Doktorinfo.az xəbər verir ki, bu dərman tablet və sirop formasında buraxılır. Tablet böyüklər, suspenziya ilə uşaqlar üçün nəzərdə tutulub. Uzun müddət istifadəsi tövsiyə edilməsə də qısa müddətdə hərarət və ağrılar zamanı effektli dərmanlar sırasında yer alır.

Parasetamol haqqında daha ətraflı məlumat üçün məqaləni sonadək oxuya bilərsiniz.

Parasetamolun tərkibi

Parasetamol

Təsir gücü

Qızdırmasalıcı, ağrıkəsici

İstehsal edən ölkə

Belçika, Bolqarıstan, Rusiya

Tərkibindəki maddə miqdarı

Parasetamol 200 mq, 500 mq
Parasetamol istifadəsində əks göstəriş

Uzun müddət istifadəsi tövsiyə edilmir. Bu zaman antikoaqulyantların (varfarin və digər kumarinlər) effekti güclənir ki, bu da, qanaxma riskini artırır.
Həmçinin böyrəklərin və ya sidik kisəsinin xərçəngi riskini yüksəldir.

Alkoqolik, immun çatışmazlığından əziyyət çəkənlər, vərəm əleyhinə müalicə olunanlar istifadə zamanı ehtiyyatlı olmalı və həkim nəzarətində qəbul etməlidirlər.

Parasetamolun istifadə qaydası

Sutkalıq dozası 4 qr-dan çox olmamalıdır.

Parasetamolu ağrılı vəziyyətlərdə 10 gün, uşaqlarda 5 gün, qızdırmalı zamanı isə 3 gündən çox istifadəsi tövsiyə edilmir.

Parasetamolun uşaqlarda istifadəsi

6-12 yaşlı uşaqlarda parasetamolun dozası yaşdan və bədən kütləsindən asılı olaraq hesablanır.

Birdəfəlik doza bədən kütləsinə görə 10-15 mq/kq, maksimal sutkalıq doza bədən kütləsinə görə 60 mq/kq təşkil edir. Parasetamolun maksimal dozasını sutkada 2,5 q-dan artıq aşmaq məsləhət görülmür (500 mq 5 tablet və ya 12 tablet 200 mq).

Yaşdan asılı olaraq preparat aşağıdakı kimi təyin oluna bilər:

1 aylıqdan 3 aylığa qədər – 2 ml-ə yaxın suspenziya (50 mq-a yaxın parasetamol),

3 aylıqdan 1 yaşa qədər – 2.5-5 ml suspenziya (60-120 mq parasetamol),

1 yaşdan 6 yaşa qədər – 5-10 ml suspenziya (120-240 mq parasetamol),

6-12 yaşlı uşaqlarda parasetamolun dozası yaşdan və bədən kütləsindən asılı olaraq hesablanır.

Qeyd edək ki, uşaqlarda istifadədən öncə mütləq həkimlə məsləhətləşilməlidir.

Parasetamol qiyməti

Qiyməti apteklər üzrə fərqlilik göstərə bilər. Bu qiymət 1.6 AZN