Panik atak üçün faydalı bitki çayları

Panik ataklar, gözlənilmədik anlarda ortaya çıxa bilən qorxu və narahatlıq krizləridir.

Doktorinfo.az xəbər verir ki, bu vəziyyət, şəxsin gündəlik həyatına mənfi təsir göstərə bilər və stress səviyyələrini artıra bilər. Təbiətdə mövcud olan bəzi bitki çayları panik atak vəziyyətini yüngülləşdirə bilər.

Bunlar hansı bitkilərdir?

Çobanyastığı çayı – sinirləri yatışdırır və rahatladır. Antiinflamatuar və antioksidant xüsusiyyətlərə sahib olan çobanyastığı, eyni zamanda yuxu keyfiyyətini artıraraq panik atakların səbəb olduğu yuxu problemlərini də müalicə etməyə kömək ola bilər.
İstifadə qaydası:

Bir stəkan qaynar suya bir xörək qaşığı qurudulmuş çobanyastığı əlavə edin.

5-10 dəqiqə kimi dəmləyin, daha sonra süzün.

Gün ərzində 2-3 dəfə istifadə edə bilərsiniz.

Melisa çayı – stress səviyyələrini aşağı salır. Təbii üsul kimi bolca istifadə edə bilərsiniz. Sinir sistemi üzərində yatışdırıcı xüsusiyyəti vardır.

İstifadəsi:

Bir stəkan qaynar suya bir şirniyyat qaşığı qurudulmuş melisa yarpağı əlavə edin.

10-15 dəqiqə kimi dəmləyin və süzün.

Gündəlik 1-2 fincan istifadə edə bilərsiniz.

Lavanda çayı – sakitləşdirici və rahatlaşdırıcı xüsusiyyətləri vardır. Xoş aroması vardır. Panik atak əlamətlərini yüngülləşdirir.

İstifadəsi:

Bir stəkan qaynaq suya bir çay qaşığı qurudulmuş lavanda çiçəyi əlavə edin.

5-10 dəqiqə dəmləyin və süzün.

Gün ərzində 1-2 dəfə içə bilərsiniz.

Yaşıl çay – tərkibindəki L-theanine adlı amino asit sayəsində anksiyeteyi azalda bilər və zehni sakitləşdirə bilər.

İstifadə qaydası:
Bir stəkan isti suya bir çay qaşığı yaşıl çay yarpağı əlavə edilir.

2-3 dəq dəmləyin və süzün.

Gün ərzində 2-3 dəfə içə bilərsiniz.

Ancaq hansısa başqa xəstəliyiniz varsa və mütəmadi dərman qəbul edirsinizsə bunu öncə həkiminizə bildirin.