İmmuniteti necə gücləndirə bilərik?

İmmunitet sistemi və ya immun sistemi, vücudu xarici təhdidlərə və zərərli mikroorqanizmlərə qarşı qoruyan təməl mexanizmdir. Bu cür qorunma mexanizmi olaraq da bilinən bu sistemin güclü tutulması, infeksiyalara və xəstəliklərə yoluxmaq riskini də azaldır. İmmun sisteminin normal şəkildə çalışa bilməsi üçün düzgün qidalanmaqla yanaşı immun sistemini gücləndirəcək qidalardan istifadə edilməlidir.

İmmun sistemini gücləndirən qidalar hansılardır?

Hərəkətsiz yaşayış və düzgün olmayan qidalanma vərdişi, şəkər, ürək-damar xəstəlikləri kimi bir çox problemlərə zəmin yaradar. Bu səbəblə düzgün qidalanaraq vücudu qorumaq mümkündür. Orqanizmi gücləndirən bir çox qida növü mövcuddur, onlardan bəzilərini təqdim edirik:

Narıncıgillər – Əksər insan qrip olduqdan sonra C vitamininə müraciət edir. Qreypfurt, portağal, naringi, limon kimi meyvələr C vitamini baxımından güclü qidalar olaraq bilinir. Mütəxəssislər gündəlik kifayət qədər C vitamini qəbul etməyi tövsiyə edirlər.

Qatıq- İçərisində yer alan faydalı mikroorqanimzlər nəticəsində bağırsaq florasını tənzimləyər və xəstəliklərə qarşı immuniteti gücləndirər. Bu növ bakteriyalardan yararlanmaq üçün təbii mayalı növlərdən istifadə edilməlidir.

Tumlar – Tərkibi E, B6 və D vitamini ilə zəngin olan tumlar, fosfor, maqnezium, sink kimi minerallar ilə də sağlamlıq baxımından müxtəlif faydalara sahibdir.

Sarımsaq – İnfeksiyalara və müxtəlif xəstəliklərə qarşı qoruyucu xüsusiyyəti olan sarımsaq immun hüceyrələri aktiv hala gətirərək immuniteti artırır və qorunma mexanizmini gücləndirir. Araşdırmalar, sarımsağın bir çox bakteriyalara və viruslara qarşı vücud gücünü artırdığını sübut edib.

Brokoli – A, C, E vitaminləri ilə yanaşı lif və antioksidant xüsusiyyəti də mövcud olan brokolini müntəzəm yemək düzgün qidalanmaq baxımından vacibdir.

İspanaq – C vitamini baxımından zəngindir. Həmçinin immunitet sistemini infeksiyalara qarşı qoruyur. Antioksidant və karoten xüsusiyyəti daşıyır.

İmmunitet sistemini gücləndirən əlavələr nələrdir?

Gərəkli zamanlarda, lazımi miqdarda vitamin əlavələri qəbul edilə bilər. Bu vücudda əksik olan vitamini bərpa edər və orqanizmi gücləndirər.
Bunlar hansılardır?

C vitamini: C vitamini, immun sistem sağlamlığı cəhətdən vacib rol oynayır. İnfeksiya və müxtəlif xəstəliklərə qarşı vücudu qoruyur. Bunlarla yanaşı hüceyrələri yeniləyir.

D vitamini – vücudun ehtiyacı olan birləşmədir. İmmun sisteminin vacib hissəsidir. İltihabları azaldaraq immun sistemini gücləndirməyə kömək edir.

B6 vitamini – İmmun sistemindəki biokimyəvi reaksiyaları dəstəkləmək üçün vacibdir. Başlıca vəzifələrindən biri bəyaz qan hüceyrələri və T hüceyrələri istehsal etməkdir. Bunlar vücuddakı virus və bakteriyalara qarşı mübarizəyə cavab verən hüceyrələr olaraq bilinir.

E vitamini: Vücudu infeksiyalara qarşı qoruyan güclü antioksidantdır.