Gecələri yatmaqdan qorxmaq, Hipnofobiya nədir?

Yuxudan qorxma xəstəliyi və ya tibbi adı ilə Hipnofobiya, tez-tez qarşılaşılan fobiyalar arasında yer alır. Psixoloji narahatçılıqlar olaraq görülən vəziyyətdir. Həm kişi həm də qadınlarda müşahidə edilə bilir.

Psixoloji narahatçılıq olan bu vəziyyət müxtəlif səbəblərdən qaynaqlana bilər. Belə şəxslər yatmaqdan qorxurlar. Yuxu öncəsi vahimələnirlər. Belə xəstələr, yuxu əsnasında bir sıra təhlükələrin ola biləcəyini və bunun qarşılığında reaksiya verə bilməyəcəklərini düşünərək özlərini çarəsiz hiss edərlər. Bəziləri isə yuxuya getsələr də rahat şəkildə yata bilməzlər. Yaxşı yata bilmədikləri üçün də özlərini çox yorğun və tükənmiş hiss edirlər.

Yuxudan qorxma xəstəliyinin səbəbləri

Yaranma səbəbi tam olaraq bilinmir. Ancaq bir sıra xəstəliklərin, travmaların bu halı yaratdıqları zənn edilir. Uşaqlıq zamanı görülən bir çox qorxulu yuxular da buna təkan ola bilər.

Ürək xəstəliyi kimi bəzi xəstəlikləri olan şəxslər də yatmaqdan qorxa bilərlər. Yuxu əsnasında nəfəs ala bilməmək, ürəyin dayanacağından, ölüm qorxusu səbəbindən sağlam, keyfiyyətli yuxu almaya bilərlər. Həmçinin ruhi və fiziki faktorlar da burada önəmli rol oynayır.

Yuxudan qorxma xəstəliyinin əlamətləri nələrdir?
Narahatçılıq, qorxu, əsəbilik, panik halı kimi vəziyyətlərdə özünü göstərə bilən bir problemdir.

Bu xəstəliyin bir çox fərqli əlaməti mövcuddur. Bu əlamətlərin bir çoxu şəxsin yuxusunu tam olaraq ala bilməmək və vücudun kifayətsiz dincəlməyindən yarana bilər. Adətən görülən yuxudan qorxma xəstəliyi əlamətləri bu formada sıralana bilər:

Duyğu pozuntusu

Yata bilməmək

Nəfəs darlığı

Tez-tez nəfəs alıb-vermək

Mədə problemləri

Tərləmə və ağız quruluğu

Depressiya və s.
Bu problem necə keçər?

Psixoloji narahatçılıq olaraq görülən bu xəstəliyin müalicəsində bir çox fərqli üsul istifadə edilir. Burada əsas məsələ, şəxsin müalicəyə və üsula nə qədər cavab verib-verməməyidir. Problemin mərhələsinə görə də müalicə üsulu fərqli ola bilər.

Yoqa və meditasiya, şəxsi rahatladan şəxsin əzələlərinin genişlənməsinə yardım edən üsullar sırasındadır. Bu, ani əsəbləşmək, stress kimi vəziyyətlərin qarşısına keçməni təşkil edir.

Digər bəzi üsullardan biri də yatmazdan öncə xəstənin yanında birinin yatmasıdır. Bu, şəxsdə güvən qazandıra bilər.