Balıq dərisi, İktiyozis Vulgaris xəstəliyi nədir?

İktiyozis Vulgaris dəri xəstəliyidir. Genetik səbəblərlə ya da yaşanılan fərqli narahatlıqlara bağlı olaraq dərini nəm tutan qoruyucu bariyeri bu xüsusiyyətini itirə bilir. Eyni zamanda yeni dəri hüceyrələri çox sürətlə istehsal etməyə başlayarkən, köhnələn dəri hüceyrələri də çox yavaş məhv olur.

Doktorinfo.az xəbər verir ki, bu vəziyyət dəridə balıq görüntüsünü yaradır. Xəstələrin dərisində ortaya çıxan görüntü balıq dərisinə bənzədiyi üçün bu vəziyyət balıq dərisi xəstəliyi olaraq ifadə edilir.

Bu xəstəlik nadir görülür və adətən yüngül keçirilir. Ancaq şiddətli balıq dərisi xəstəliyi ciddi problemlərə yol aça bilər. Yüngül seyr edilən balıq dərisi xəstəliyi hədsiz quru dəri ilə qarışdırıla biləcəyi üçün diaqnozda bəzi gecikmələr ola bilər.
İktiyozis Vulgaris xesteliyinin elametleri nelerdir?

Quru və balıq dərisi forması xəstəliyin əsas əlamətlərindən geniş yayılanıdır. Bu dəri forması kürək, qarın, ayaqların ön qismləri kimi nahiyələrində görülür. Xüsusilə kiçik uşaqlarda üz və baş dərisi nahiyələrində çox ola bilər.

Yaranan pullanma ağ, qəhvəyi rəngdə ola bilər. Bu hal əksər hallarda çatlaqlar yarada bilər. Soyuq və quru havalarda quruluq və pullanma daha da artır.

Digər göstəricilər:

Deri qizariqligi

Dəridə qabarıqlıq, sərtlik

Qaşıntı

Ağrı
Hərəkət etməyi çətinləşdirən, qalınlaşmış dəri quruluşu balıq dərisi xəstəliyinin digər əlamətləri arasında yer alır.

İktiyozis Vulgaris xesteliyinin sebebleri:

Tiroid və ya paratiroid problemləri kimi endokrin vəzi xəstəlikləri. Tiroid vəzinin az çalışması balıq dərisi xəstəliyi riskini artıra bilir.

Böyrək xəstəlikləri

AİDS

Nikotinik asit, simetidin və klofazimin kimi bəzi dərmanların istifadəsi və s.
Balıq derisi xesteliyinin mualicesi necedir?

İstifadə ediləcək üsullar hansılardır?

Dəri kremləri: Quruyan dəri üçün xüsusi kremlərdən istifadə edilməlidir. Xüsusilə də duş qəbulundan sonra tətbiq edilməlidir.

Dərman müalicəsi gərəklidir. A vitamininin sintetik növləri olan sintetik retinoidlər istifadə edilə bilər. Hamilə qadınlar isə sadəcə həkim tövsiyəsi ilə dərman qəbul edə bilərlər.

Bundan əlavə tərkibi yağ olan, su bazlı məlhəmlərdən istifadə edilə bilər.

Səpgilər üçün olan müalicəvi kremlər də dərini bərpa edə bilər. Ancaq bunlar mütləq həkim təyinatı ilə tətbiq edilməlidir.