Bağırsaq infeksiyası nədir?

Bağırsaq infeksiyası, xalq arasında ishal olaraq bilinən və gündəlik yaşayış tərzinə mənfi təsir göstərən infeksiya xəstəliyidir. Kiçik uşaqlarda daha çox müşahidə edilir. İshal, qusma, qarın ağrısı kimi problemlərə səbəb olan bu xəstəlik uzunmüddət davam edərsə vücudda su itkisinə yol aça bilər. Bu səbəbdən bağırsaq infeksiyasından əziyyət çəkənlər gecikdirmədən tədbir görməlidirlər.
Bu xəstəliyə virus, bakteriyalar səbəb olur. Qida zəhərlənmələri də bağırsaq infeksiyasına yol aça bilər.

Növləri hansılardır?

Birdən çox səbəbə görə meydana çıxa bilər. Qastroenterit, bağırsaqda infeksiyaya səbəb ola biləcəyi üçün 3 fərqli qrupa ayrılır:

Bakterial Gastroenterit – Adətən E. Coli, Salmonella, Compylobakteri kimi bakteriya növləri bağırsaq infeksiyasının formalarındandır. Qida zəhərlənməsi səbəbindən yaranan ishal əlamətləri də bakterial qastroenterit hesab edilir.

Viral Gastroenterit – Rotavirus, Adenovirus, Norovirus kimi virusların səbəb olduğu bağırsaq infeksiyasıdır. Uşaqlarda görülən ishal əlamətlərinin böyük bir hissəsi viral qaynaqlıdır.

Parazit Gastroenterit – Bağırsaq qurdları kimi parazitlərin bağırsağa yerləşməsindən qaynaqlı olaraq ortaya çıxan bağırsaq infeksiyalarıdır.

Bəs bağırsaq infeksiyasının əlamətləri nələrdir?

Anidən başlayan sulu ishal

Mədə bulantısı, qusma

Qarın sancıları, ağrıları

Qızdırma

Baş ağrısı

Halsızlıq, yorğunluq

Quru dəri

Susuzluq

Ayaqlarda əsmə, ağrı

Təzyiqin düşməsi

Əgər bu əlamətlər 1 həftədən artıq davam edərsə dərhal həkimə müraciət edilməlidir.
Diaqnoz necə qoyulur?

Analiz verilərək xəstəliyin növü araşdırılır. Ehtiyac olarsa qan analizi, USM təyin edilə bilər. Bağırsaq infeksiyasına yol açan faktor araşdırılır.

Necə müalicə edilir?

Bol istirahət, maye qəbulu, uyğun qidalanma ilə adətən tez sağalır. 1 həftə ərzində yaxşılaşma müşahidə edilməlidir. Bunun üçün 2 litr maye qəbul edilməli, lif tərkibi aşağı olan qidalar istifadə edilməlidir.

Bağırsaq soyuqlamasının birdəfəlik müalicəsi bu halın nədən qaynaqlandığına əsasən təyin edilir. Əgər bakteriyalar bağırsaq infeksiyasına səbəb olubsa antibiotik müalicəsi təyin edilə bilər. Əgər səbəbi virus qaynaqlıdırsa həkim hansısa dərmanı yazmaya bilər. Bol istirahət və maye qəbulu lazımdır.
Bəs təbii yollarla necə müalicə edilə bilər?

Probiotik bakteriya tərkibli qatıq, ayran kimi qidalar infeksiyanın sağalmasında kömək edir.

Bağırsaq infeksiyaları zamanı nanə limon çayı faydalı olacaqdır. 1 stəkan qaynar suya 1 şirniyyat qaşığı nanə əlavə edib dəmləməyə qoyun. Sonra üzərinə limon əlavə edin. 5 dəq dəmləndikdən sonra içə bilərsiniz.

Bal da bağırsaq soyuqlaması zamanı effektlidir. Müalicə üçün 1 stəkan ilıq suya 1 şirniyyat qaşığı limon suyu və 1 şirniyyat qaşığı bal əlavə edib qarışdırıb içmək lazımdır.

Toyuq supunun da belə soyuqlama zamanı təsiri müsbətdir.