Altıncı xəstəlik nədir?

Kiçik uşaqlarda virus qaynaqlı yoluxucu xəstəliklər mühüm problemlərin başında gəlir. Bunların ən çox görüləni altıncı xəstəlikdir. Yüksək qızdırma ilə baş verən altıncı xəstəlik, kiçik uşaqlarda problemlərə yol aça bilər.

Xalq arasında altıncı xəstəlik olaraq bilinən "roseola infantum", bədənin müxtəlif nahiyələrində, daha çox dodaq və genital hissədə uçuq meydana gətirməsi ilə bilinən herpes ailəsindən gələn HHV-6 və HHV-7 viruslarının səbəb olduğu xəstəlikdir. Altıncı xəstəlik əksər zaman 6 ay ilə 2 yaş arasında uşaqlara təsir göstərir. Bir neçə gün yüksək qızdırma ilə seyr edən, qızdırma düşəndən sonra vücudda səpkilərlə davam edir.

Altıncı xəstəliyin əlamətləri nələrdir?
Altıncı xəstəlik, yüngül üst tənəffüs yolu infeksiyası yüksək qızdırma ilə baş verir. Bu, altıncı xəstəliyin ən əsas əlamətidir. Qızdırma 4 ilə 7 gün arasında davam edir, bu müddətdə halsızlıq, iştahsızlıq, yorğunluq kimi hallar baş verir. Xəstəliyin davamında qızdırma birdən düşər və vücudda səpkilər yaranmağa başlayar. Qızdırma adətən 3-7 gün davam edir, bir neçə gün arasında solar və keçər.

Diaqnozu necə qoyulur?

Fiziki müayinə, tibbi keçmiş araşdırılır. Gərək duyularsa qan analizləri aparılır.

Müalicəsi

Xüsusi müalicə növü yoxdur. Qızdırmanın düşməsi üçün ibuprofen, parasetamol tərkibli dərmanlar istifadə edilir. Çoxlu maye qəbul etməsi təmin edilir. Meyvə və tərəvəz çoxlu yeyilməlidir.

Altıncı xəstəlik yoluxucudur?

Yoluxucudur, ancaq koronavirus, qızılca kimi böyük problemlərə yol açmaz. Hava-damcı yolu ilə yoluxur. Asqıran, öskürən zaman mikrobların ətrafa saçılması nəticəsində yoluxma baş tutur. Nadirən də olsa böyüklərdə də görülmək ehtimalı vardır. Bu vəziyyət adətən böyüklərin bu xəstəliyi keçirmiş və immuniteti qazanmış olması ilə əlaqədardır.
Belə xəstələrə duş etdirmək olarmı?

Bahar aylarında daha çox görülən altıncı xəstəliyin müddəti 3-7 gündür. Bol maye qəbulu və dincəlməklə yanaşı uşağa ilıq su ilə duş qəbulu etdirilə bilər.

Altıncı xəstəliyin yoluxuculuğu neçə gün davam edir?

Digər viruslarda olduğu kimi altıncı xəstəlikdə də yoluxuculuq, öskürmə, danışmaq, asqırmaq yolu ilə, yəni kiçik maye damlacıqlarla gerçəkləşir. Bu xəstəlik üçün yoluxuculuq müddəti 14 gündür. Bu zaman müddətində, virus daşıyıcısı olan uşağın infeksiyanı başqasına rahatlıqla yoluxdura bilər.