Üz iflici nə üçün baş verir?

Üz iflici, sinirlərin zədələnməsi səbəbiylə əzələlərdə hərəkətlərin itirilməsidir. Üzün bir və ya iki tərəfində görülə bilər. Üz iflicinin yayılan səbəblərindən biri üz əzələlərinə gələn sinirdə iltihab, baş-boyun şişlərinin olmasıdır. Səbəbə bağlı olaraq iflic qısamüddətli və ya uzunmüddətli ola bilər.

Üz iflicinin əsas səbəbləri:

Bu problem beyin travması, beyin damar tıxanıqlığı, baş-boyun şişləri, üz əzələlərində zədələnmə kimi fərqli səbəblərdən ortaya çıxa bilər.
Üz iflicinin digər səbəblərini təqdim edirik:

Beyin zədələnməsi

Üz yaralanmaları

Baş və ya boyun şişləri

Orta qulaq infeksiyası

Qulaqda görülən digər xəstəliklər

Üz əzələlərinin anormal inkişafı

Doğuşdan gələn sindromlar

Doğuş travması

Bəzən doğuş anında uşaqların üz əzələlərində yaralanmalar ola bilər. Belə uşaqların əksəriyyəti isə tamamilə yaxşılaşır.

Üz iflicinin əlamətləri nələrdir?

Bir çox əlamət mövcuddur ancaq bunlar səbəbə və insana görə dəyişir.
Aşağıdakılar baş verə bilər:

Göz yaşının azalması

Təsirlənən tərəfdə göz qırpma, alın qırışdırma kimi hərəkətlər üzərində sinir nəzarətinin itməsi

Ağızda əyilmə

Danışıq pozuntusu

Qidalanmada çətinlik

Baş ağrısı

Çənə oynağı ətrafında ağrı

Qulaq içində və ya ətrafında ağrı

Üz iflicinin diaqnozu necə qoyulur?

Üz iflicinin diaqnozu üçün həkim xəstənin qaş qaldırma, göz qırpma, gülümsəmə, müəyyən üz ifadələrini müayinə edərək əzələ hərəkətlərini dəyərləndirir. Bundan əlavə MRT, qan analizi tələb edə bilər.
Müalicə isə baş vermə səbəbinə görə təyin edilir.
Bundan əlavə fizioterapiyalar belə halların müalicəsində xüsusi effektə sahibdir. Ən azından qalıcı problemlərin qarşısını almağa kömək edir.
Üz iflici üçün ən böyük təhlükəli problem göz zədələnməsidir. Bu səbəbdən paralel olaraq göz qapağının tamamilə örtülə bilməsi üçün tədbirlər də görülməlidir. Çünki gözün açıq qalmağı görmə üçün kifayət qədər problemli haldır. Gözün yaxşı görməsi üçün nəmli qalmalıdır.
Səbəbdən asılı olaraq üz iflici müalicəsində əməliyyat vasitəsilə zədəli sinirləri və ya əzələləri bərpa etmək və ya varsa şişi çıxarmaq üçün üsullardan istifadə edilir.
İlk 6 ay ərzində 12 seanslıq müalicə daha müsbət təsir göstərə bilər.

Bəs üz iflici təhlükəlidirmi?

Əgər üz iflici soyuq havalarda baş veribsə, zamanında müalicə edilməzsə qalıcı zədələnmələrə yol aça bilər.