Uşaqlarda baş ağrılarına diqqət edin - Səbəbi...

Baş ağrısı bir çox uşaqlarda problemə səbəb olur. Son zamanlar geniş yayılmış xəstəlikdir. Bəzi valideynlər isə bunun keçəcəyini düşünərək əhəmiyyət vermirlər. Uşaqların şikayətlərinə diqqət etmirlər.

Ancaq həkimlər hər şikayəti, narahatçılığı nəzərə almağa çağırır. Geniş yayılan baş agrılarinin səbəbləri adətən infeksiya, travma, kəllədaxili qanaxma və ya meningit nəticəsində yaranan ağrılar olur.

Doktorinfo.az məlumat verir ki, bunlardan biri də uşaqlıq zamanı yaranan miqren ağrılarıdır.

Xroniki baş ağrıları isə beyinde yer tutan beyin şişləri zamanı daha çox görülür. Ancaq xroniki olan, mütərəqqi olmayan baş ağrıları isə psixogen mənşəli olur. Bunun üçün nevropatoloqun müayinəsi vacibdir.
Bu ərəfədə uşaqlara verilən ağrıkəsicilər doğru hesab edilmir. Çünki bu zaman bu ağrıların nədən qaynaqlandığını tapmaq çətinləşir. Bu isə diaqnozun qoyulmasını gecikdirir. Ağrılar zamanı altda yatan sebebi tapmaq vacibdir.

Şikayətlər üzrə ümumi anamnez toplandıqdan sonra, müayinələr aparıldıqdan sonra diaqnoz qoyulur. Həmçinin tibbi keçmiş, ağrıların başlama, bitiş anı soruşulur. Çünki baş ağrılarının səbəbləri diş çürükləri, qulaq infeksiyaları,burun tıxanıqlığından qaynaqlana bilər. Miqrenin olub-olmadığını bilmək üçün isə səsə və işığa həssaslığının nə dərəcədə olduğuna diqqət edin.