Trombun əlaməti nədir?

Tromb bədəndə əsas 3 hissədə yerləşir. Dərin vena trombozu ayaqlarda 3 nahiyədə özünü göstərir.

Doktorinfo.az xəbər verir ki, geləbənzər olan bu tıxaclar qan dövranı ilə ağciyərlərə düşərək, əsas damarları tutub, emboliyaya səbəb ola bilər. Tromboz ayaq və bud nahiyəsində iri venada olur. Həmçinin pəncənin üstündə də baş verə bilər.

Bes bu zaman hansi elamet ola biler?

Klassik tromboz zamanı bu hissələrdə küt ağrı ola bilər. Pəncədə şişkinlik yarana bilər. Həmçinin qızartı və ödəm də yarana bilər.

Varikoz genişlənməsinə diqqət etmək lazımdır. Hər venadakı genişlənmə tromb demək deyildir. Bu səbəbdən ildə 1 dəfə ayaqları dopler etdirmək tövsiyə edilir. Ayaqda qızartı, venoz genişlənməsi varsa həkimə müraciət edilməlidir.

Tromb təhlükəsi varsa pəncənin üzərində şişliklər mövcud ola bilər.

Bu məqamda D-Dimmer analizi vacibdir. Risk ehtimallarını göstərir.

Varikozun təhlükəli olub-olmamasını öyrənmək üçün, risk ehtimalı üçün müayinə gərəklidir.
Trombun yaranmasının risk faktorları hansılardır?

Ürəyin işemik xəstəlikləri

Yüksək arteriyal təzyiq

Piylənmə

Az hərəkətli həyat tərzi

İrsi faktorlar

Siqaret çəkmə və s.

Trombun yaranması hansı xəstəliklərə yol aça bilər?

Ürək çatışmazlığı

Qəflət ölüm

Ürək ritminin pozulması və s.