"Şokolad kisti" nədir?

Endometriosis başqa adla "Şokolad kisti", rəhm içi toxumasının başqa nahiyələrdə, yumurtalıqlarda yerləşməsi nəticəsində yaranır. Bu kistlərin quruluşu eynən rəhm iç toxumasının quruluşu kimidir və menstruasiya zamanı qanaxma baş verər. Kistlərin içində meydana gələn bu qanaxmalar zamanla toplanaraq qəhvəyi rəngli bir maye yaradırlar. Bu səbəblə bu kistlərə şokolad kistləri deyilir.

Səbəbləri tam olaraq bilinmir, genetik faktorun daha təsirli olması zənn edilir. Bundan əlavə ətraf faktorların, immunitet sisteminin də təsir etdiyi düşünülür. Hamilə qala bilməyən qadınların 30-40%-də görülən bu narahatçılığın müalicədən sonra təkrar etmək ehtimalı olduqca yüksəkdir.

Əlamətləri ağırlıq dərəcəsinə görə şəxsdən şəxsə dəyişir. Bəzən heç bir əlamət vermədən inkişaf edə bilər, bəzən də təsadüfən təsbit edilə bilər.
Geniş yayılan əlamətləri təqdim edirik:
Menstruasiya ağrıları

Bu əsnada qəbizlik və ya ishal

Menstruasiya zaman bel ağrısı və vaxtında olmaması

Ağrılı cinsi münasibət

Hamilə qala bilməmə

Qadınların həyatına olduqca ciddi təsir edən qadın xəstəliklərindən olan şokolad kisti, şiddətli menstruasiya ağrılarına və cinsi münasibət əsnasında ağrılara səbəb olurlar. Fallop borularının tıxanmasına, funksiyalarının pozulmasına və yumurtalaın rəhm daxilinə yerləşməsinə maneə olaraq sonsuzluğa səbəb olurlar. Həmçinin bu kistlər adətən xoşxassəlidir və xərçəngə səbəb olmazlar.

Şokolad kistində xəstələr adətən hiss etdikləri narahatçılıqlarla ginekoloji müayinə üçün ginekoloqa müraciət edirlər.

Bu narahatçılıqlar hansılardır?
Qarnın alt nahiyəsində xronik pelvik ağrılar

Şiddətli menstruasiya ağrıları

Cinsi münasibət zamanı yaranan ağrı

Xəstəliyin diaqnozu, ginekoloji müayinə, USM müayinəsi, qan analizləri ilə qoyula bilsə də dəqiqlik üçün patoloji nəticələr yoxlanılmalıdır.

Hələ bu xəstəliyi tamamilə müalicə edən üsul inkişaf etdirilməyib. Ağrılardan şikayətçi olan xəstələrdə dərman, hormonal müalicə tətbiq edilə bilər.
Əgər ağrılar uzunmüddətli və şiddətli olarsa cərrahi müdaxiləyə ehtiyac görülə bilər. Bu zaman əməliyyat laparoskopik üsulla edilir.

Qeyd edək ki, belə kistlər müalicəyə baxmayaraq təkrarlaya bilər.