Səhər yeməmək xərçəngə tutulma riskini artırır

Səhər yeməyini tez-tez atlamaq ümumi orqanizmə mənfi təsir göstərir və hətta xroniki xəstəliklərin inkişaf riskini artırır. Xüsusilə, uzun müddət səhər yeməyinin olmamasının xərçəng və ürək xəstəlikləri riskini artıra biləcəyi sübut edilib.
Milli.Az lent.az-a istinadən bildirir ki, Sinay dağındakı İcahn Tibb Məktəbinin alimləri iki qrup siçan üzərində təcrübə apararaq səhər yeməməyin təhlükəsini sübut edə biliblər.
Tədqiqatçılar birinci qrupa oyandıqdan dərhal sonra doyumlu səhər yeməyi veriblər, ikinci qrupa isə - yalnız su. Uzun müddətdir ki, hər səhər alimlər yuxudan oyandıqdan sonra heyvanların qan nümunələrini təhlil edir, həmçinin dörd və səkkiz saatdan sonra nəzarət ölçmələri aparırıblar.
Təcrübə zamanı məlum olub ki, səhərlər yalnız su içən siçanlarda monositlərin sayı azalıb. Bunlar xərçəng, patogenlər və iltihab reaksiyaları ilə mübarizədə mühüm rol oynayan hüceyrələrdir. Qaçırılan səhər yeməyindən dörd saat sonra, monositlərin 90% -i qan dövranından yoxa çıxıb və səkkiz saatdan sonra demək olar ki, yox olub. Alimlərin dediyinə görə, səhər tezdən aclıq beyində stress reaksiyası yaradır ki, bu da monositlərin sümük iliyinə miqrasiyasına səbəb olub və burada onlar qeyri-aktiv vəziyyətə düşüblər.
Artıq 24 saatdan sonra, heyvanlara yemək verildikdə, monositlər qayıtmağa başlayıb, lakin onların qəfil dönüşü bədənə mənfi təsir göstərib. Xüsusilə, siçanlar yoluxucu xəstəliklərə qarşı müqaviməti zəiflədən və ürək problemləri riskini artıran iltihab əlamətlərini büruzə verib.
Bu baxımdan alimlər və həkimlər səhər yeməyinin əhəmiyyətini bir daha xatırladır və səhər yeməyi üçün sağlam, doyurucu qidalar seçməyə çağırırlar. İdeal olaraq, səhər yeməyini yuxudan oyandıqdan sonra ilk 45 dəqiqə ərzində yeməlisiniz ki, vücudunuz ən çox fayda əldə edəcək.
Milli.Az