Reflüks xəstəliyinin əlamətləri

Bir çox insan yemək yedikdən sonra həzmsizlik, şişkinlik, qida borusunda yanma kimi şikayətlər yaşayır.

Doktorinfo.az xəbər verir ki, bu hal bəzi insanlar üçün keçici olur və tez zamanda düzəlir. Qadınlar arasında daha çox yayılıb. Reflüks, mədə möhtəviyyatının qida borusuna geri axması və bununla da onu zədələməsidir. Yaşayış tərzinə mənfi təsir göstərir.

Reflüks xəstəliyinin səbəbləri

Səbəb olan ən vacib faktorlar:

Zədələnən qida borusu,

Piylənmə,

Dərmanlar,

Hormonlar,

Müxtəlif yağlı qidalar,

Siqaret tüstüsü,

Genetik faktorlar.

Reflüks xəstəliyi ağıza gələn acı dad hissi ilə özünü biruzə verir. Tipik və atipik simptomlar olmaq üzrə iki hissəyə ayrılır.
Reflüks xesteliyinin elametleri:

Mədədə yanma

Turşuluq

Yeyilən qidaların ağızda acı dadması

Atipik reflüks isə adətən qulaq-burun-boğaz xəstəlikləri ilə qarışdırılır. Ən çox görülən atipik reflüks əlamətləri isə sinüzit, quru öskürək, ağız qoxusu, səsdə kəsilmə və ya diş çürüməsidir.

Reflüks xəstəliyi adətən döş qəfəsi ağrılarına səbəb olduğu üçün ürək və ya döş qəfəsi xəstəlikləri ilə tez-tez qarışdırılır.
Qeyd edək ki, reflüks, bir çox xəstəliyə səbəb ola bilər. Məsələn, faringitin ən çox yayılan səbəblərindən biri reflüksdür.

Reflüks xəstəliyi uşaqlarda da görülür, ancaq xüsusilə ilk altı ayda ortaya çıxan fizioloji reflüksü, bu xəstəlikdən ayırmaq lazımdır. Uşaq yaşlarında qusma fizioloji haldır. Əgər uşaq lazımi çəkini almırsa, qusma halları artırsa, yeməyi rədd edirsə reflüks xəstəliyindən şübhələnmək olar.

Diaqnoz necə qoyulur?

Bunun üçün fiziki müayinə edilməli və tibbi keçmiş araşdırılmalıdır. Müayinə zamanı boy, çəki indeksi yoxlanılır. Həmçinin qan analizi ilə anemiyanın olub-olmadığı öyrənilir. Əgər həkim gərək duyarsa mədə endoskopi olunaraq yoxlanılır.
Reflüksün müalicəsi necə edilir?

Adətən yaşayış tərzi dəyişdirilir. Məsələn, yemək yedikdən sonra uzanmamaq, az-az, tez-tez yemək, qazlı və spirtli içkilərdən uzaq durmaq tövsiyə edilir.
Bundan əlavə həkimin tövsiyəsi əsasında qida borusu və mədənin düzgün fəaliyyətini təmin edəcək dərmanlar qəbul edilməlidir.

Reflüks xəstəliyinə nələr müsbət təsir göstərir?

Reflüks şikayətlərini azaltmaq və ya reflü olmamaq üçün uzun müddət ac qalınmamalıdır.

Yeməklər yaxşı çeynənilməli, az miqdarda yeyilməlidir.

Maye qəbulu yeməklərlə birlikdə deyil, qida qəbulundan yarım saat öncə və ya sonra olmalıdır.

Son yemək, gecə yatmazdan ən az iki saat öncə bitməlidir. Tox qarnına yatılmamalıdır. Çünki tox qarına yatan zaman reflüks şiddətli formada artır.

Yastıq 10-15 sm yüksəkliyində olmalıdır.

Bel və qarın nahiyəsini sıxmayan paltarlar geyilməlidir.

Mədəni sıxan kəmərlər və digər dar paltarlar reflüksü artırar.

Vücud ideal çəkidə olmalı, piylənmə olmamalıdır.

Stresli həyatdan uzaq durmaqda fayda vardır. Bütün xəstəliklər kimi reflüksü də kəskinləşdirə bilər.
Reflüksü olan insanların qidalanmaları

Ədviyyatlı qidalar reflüksün şiddətini artıra bilər. Bunun üçün bu növ qidalardan az istifadə etmək lazımdır.

Siqaretdən istifadədən imtina edilməlidir.

Qəhvə də bu halın artmasına səbəb ola bilər. Yaşıl, qara çay da miqdarında istifadə edilməlidir.

Yağlı qidalar və qızartmalar mədə asitinin artmasına səbəb olur.

Marqarin kimi trans yağlar mədə üçün olduqca təhlükəlidir.

Turşular da reflüksü artıra bilər.

Belə qidaların arasında şirniyyarı da qeyd etmək lazımdır.

Hamiləlikdə reflüks

Tez-tez qarşılaşılan xəstəliklərin öncəsində gəlir.
Hormonal pozuntunun olması, dölün böyüməsi nəticəsində mədəyə təzyiq artır. Hamilə qadınların qəhvə, şokolad, mayalı xəmirlər, yağlı qidalardan uzaq durması tövsiyə edilir.

Reflüks ilə qastritin arasındakı fərq nədir?

Reflüks xəstəliyi qidalanma vərdişlərinə, mədə yırtığı ilə bağlı olaraq yarana bilər. Qastrit xəstəliyinə əksər zaman nəzarətsiz istifadə edilən dərmanlar, ağrıkəsicilər səbəb olur. Dərmanlardan çox istifadə edilərsə mədə divarında pozulma, zədələnmə və ya iltihab müşahidə edilə bilər.