Qulaq tıxanıqlığının səbəbləri və müalicəsi

Qulaq tıxanıqlığı adətən bəsit narahatçılıq kimi görünür, ancaq həyat keyfiyyətini aşağı salır. Həmçinin diqqət yetirilmədiyi zaman ciddi narahatçılıqlara səbəb ola bilər. Fərqli yaş və cinsiyyət qruplarında yayılmış bir formada rastlanılan qulaq tıxanıqlığı keçici olmaqla bərabər arada qalıcı zədələr də yarada bilər. Adətən duş qəbulundan sonra yaranan tıxanmaların əsl səbəbi qulaq çubuğu ilə qulağın içini təmizləməyə çalışarkən kirin daha iç qulağa doğru getməsidir.

Tıxanmış qulağa düzgün müdaxilə edilmədiyi zaman eşitmə qabiliyyəti yox ola bilər. Əgər qulaq ağrıları şəxsdə bir həftədən uzun davam edirsə, baş gicəllənməsi, burunda qanaxma, ağrı və axıntı əlamətləri görülürsə həkimə müayinəyə getməkdə fayda vardır.

Qulaq tıxanıqlığının bir çox səbəbləri vardır:
Buşon – digər adı ilə qulaq kiri, qulağın tıxanma səbəbləri arasında ən çox qarşılaşılan faktorlardandır. Serumen adı verilən qulaq kanalında mövcud olan sarı rəngdəki maye, toz və bənzər yad maddələri qulaqdan uzaq tutması sayəsində qulaq zərini xarici faktorlardan qoruyur. Bu sayədə qulaqda infeksiyalara qarşı qorunmuş olur. Qulaq çöpü ilə qulağın təmizlənməsinə çalışmaq buşonun kanaldan irəli getməsinə, nəticədə isə qulaq tıxanıqlığına səbəb olur. Normalda qulağın xarici qismində istehsal olunan və daxili qisminə çatmayan buşon qulaq zərinə çatdığı zaman eşitmə problemləri yaşana bilər. Mütəxəssislər qulaq çubuğundan istifadənin düzgün olmadığını vurğulayırlar.

Xarici qulaq iltihabı – Yaranma səbəbi, qulağın su ilə çox təmas halında olmasından qaynaqlıdır. Qulaq kanalında su və ya nəm qalması, bakteriyaların yaranması üçün zəmin hazırlayır. Bu problemin yaranmasının ən çox səbəbi göbələklər və bakterial infeksiyalardır. Nadirən də olsa qulaq iltihabının yaranma səbəbləri allergiyalar və dermatoloji qaynaqlı ola bilər. Xarici qulaq iltihabı, sarı və yaşıl rənglərdə, pis qoxan axıntı ilə daxili qulağın tıxanmasına səbəb olan xəstəlikdir. Üzərkən qulaqların qorunması, duş qəbulundan sonra qulaqdan nəmin pambıq ilə alınması kimi tədbirlər xəstəliyin önünə keçə bilər.

Qulaq zəri zədələnməsi – Qulaq zəri tıxanıqlığına səbəb ola billəcək digər narahatçılıq isə qulaq zərinin deşilməsi və ya elastikliyini itirərək qulaq zərinin zərər görməsidir.

Orta qulaq iltihabı – Allergiya, tənəffüs yolu infeksiyaları, soyuqdəymə nəticəsində orta qulaq iltihabı ilə qarşılaşıla bilər. Qulaq zərinin arxasında eşitməyi təmin edən kiçik sümüklərin yer aldığı hava dolu qism, buruna və boğaza doğru açılır. İnfeksiya yaranması zamanı nahiyədə maye genze boşala bilmədiyində qulaq iltihabı sürətlə inkişaf etməyə başlayır. Xüsusilə kiçik uşaqlarda tez-tez inkişaf edən bu narahatçılığın başlıca əlamətləri, qulaqda ağrı, tıxanıqlıq, axıntı, tarazlıq itkisi olaraq açıqlana bilər.

Qulaq tıxanıqlığının əlamətləri:

Qulaqda ağrı

Baş gicəllənməsi

Eşitmə zəifliyi

Qulaqda axıntı

Qulağın çınlaması

Müalicəsi necə edilir?
Bu, altda yatan səbəbə görə müalicə üsulu təyin edilir. Bəzən udqunma, su içmə, saqqız çeynəmə, əsnəmə kimi ağız və çənə hərəkətləri fayda verə bilər. Bu hərəkətlər qulaqda bakteriyaların toplanmasının qarşısını alır və əksinə olaraq parçalanıb yox olmasına kömək edir.

Duzlu su ilə qarqara qulaq tıxanması üçün faydalı ola bilər. Bu, qulaq ağrılarının azalmasına və burun tıxanıqlığına fayda verməsi üçün əhəmiyyətli ola bilər.
Bununla yanaşı səbəbdən asılı olaraq antibiotik qəbulu, damlalardan istifadə edilə bilər.