Qoturun müalicəsi

Qoturluq problemi qotur adlanan gənələrin törətdiyi dəri xəstəliyidir. Yoluxucudur.

Doktorinfo.az xəbər verir ki, xəstəlik fiziki təmas, ortaq geyim, əşya, yataq dəsti vasitəsilə yoluxa bilir. Belə ki, bu gənələr insan dərisində yaşayır. Dəridə dəliklər yaradır, yumurta qoyur. Bunlar da şiddətli qaşınmaya səbəb olur. Gecələr qaşıntılar daha da şiddətlənir.

Bu əlamətlər adətən 1-6 həftədən sonra üzə çıxır. Dəridə qoturluq yolları gözə çarpmağa başlayır. Bir aydan sonra isə bütün hissələrə yayılır.

Qoturluq yolu tünd qara rəngdə və 0,5-1 sm-ə qədər uzunluqda olur.

Müəyyən nahiyələr var ki problem daha çox həmin hissədə görülür. Bunlar büküşlər, dirsək, bilək nahiyələridir. Mikroskopik olaraq dəridə gənə yumurtaları və konkrementləri tapılır.

Dermatoloq ümumi müayinə ilə bunu aşkara çıxara bilər. Erkən diaqnoz və başlanılan müalicə əhəmiyyət kəsb edir.

Qoturun mualicesi nece aparilir?
Müalicə zamanı losyon və məhlullardan istifadə edilir. Həkimin tövsiyələrinə əsasən davam etmək gərəklidir. Dərman vüccuda ən azı 8 saat kimi qalmalıdır. 7-10 gündən sonra isə losyon yenidən istifadə edilə bilər. Düzgün müalicə təsirini daha tez göstərir.

Qaşınma müalicədən sonra 2-3 hefte kimi davam edə bilər. Bu normal haldır.

Daha da rahatlamaq üçün antihistamin dərman novlerinden istifadə edilməlidir.

Müalicə sonadək tamamlanmalıdır. Yoluxmuş şəxsə məxsus geyim, yataq dəsti və digər əşyalar da qotur gənələrinin ötürülməsinə şərait yaradır. Qotur xesteliyinin tam müalicəsi adətən bir neçə həftə davam edir.

Bununla yanaşı gigiyenaya xüsusi diqqət yetirmək lazımdır. Əllər yaxşı yuyulmalı, paltarlar yüksək dərəcədə yuyulmalıdır.