Paketlənmiş qidaları istifadədən öncə bunlara diqqət edin

Bir çoxlarımız uzunmüddət qalıcı olduğuna görə hazır, paketlənmiş qidalardan istifadə edirik. Ancaq alınan hazır qidaların tərkibində mövcud olan zərərli maddələrin fərqində olmalıyıq. Alınan məhsulun tərkibində istifadə edilən rəngləndiricilər, parladıcı məhsullar kimi zərərli maddələr insan sağlamlığını ciddi mənada təhdid edir. Paketlənmiş məhsulları istifadə etmədən öncə diqqət edilməsi gərəkən məqamlar var. Aparılan araşdırmalar zamanı astma, xərçəng, insult kimi xəstəliklərə faydalı olduğu bildirilən və satılmaqda olan hazır məhsullarda qlükoza həbləri, uşaqlar üçün satılan südlü şirniyyatlarda isə hiperaktivlik və diqqət əksikliyi xəstəliyinə yol açan bəzi maddələrə rastlanılıb. Bu maddələr insan həyatı üçün birbaşa təhdiddir. İstifadə edilən rəngləndiricilər isə sağlamlığa mənfi təsir göstərir. Dadlandırıcıların istifadəsində məqsəd şəxsdə daha çox yemə istəyini artırmaqdır.
Paketlənmiş qidaları istifadədən öncə nələrə diqqət edilməlidir?

Hazır qidaların arxa tərəfində mövcud olan qarışıq etiketlər, əslində şəxsə məhsul tərkibi ilə bağlı məlumat verir. Tərkib haqqında olan məlumatlar arasında əslində sağlamlığa zərərli olan maddələr barədə də xəbər mövcuddur. Bəzi insanların ağlına paketlənmiş qida deyəndə yalnız şirniyyatlar gəlsə də, marqarin, souslar, tomatlar da bu növ qidalar qrupuna daxildirlər. Təlimatı oxuyub düzgün istifadə etmək faydalıdır. Bu irəlidə yarana biləcək yüksək təzyiq, şəkər, piylənmə kimi sağlamlıq problemlərindən qoruyur.

Paketlənmiş məhsulları istifadədən öncə diqqət edilməsi gərəkənlər bunlardır:

Pors miqdarı hesablanmalıdır: Adətən bir çox qida etiketində "100 qramda" və "1 pors" ifadələri yer alır. Çünki qida etiketində verilmiş olan miqdar ilə insanın istifadə etdiyi miqdarın bərabət olması, etiketi doğru analiz etməyin ən vacib yoludur.

Kaloriyə diqqət etmək lazımdır: Aparılan araşdırmalar, qidaları alarkən kaloriyə nəzarət edən şəxslərin gündə daha az kaloriyə sahib olduğunu və sağlam qidalara daha çox yönəldiyini göstərir. Bu gələcəkdə yaranan piylənmə xəstəliyinin qarşısını almağa kömək edir. Nəzarətsiz şəkildə alınan bu məhsullar gərəksiz enerji qəbuluna yol açır.

Yüksək midarda doymuş yağ qəbulu, ürək-damar xəstəlikləri, piylənmə, xərçəng təhlükəsini çoxaldır. Bir paket qidada 1 qramdan daha aşağı doymuş yağ olması lazımdır.

Trans yağ miqdarı artdıqca, ürək-damar xəstəliklərinin meydana gəlmə tezliyi yüksəlir. Bunun üçün alınan məhsulların trans yağ tərkibinin olmaması ya da bir paket içərisində ən çox 0,5 qram trans yağ olmasına diqqət edin.

Qatılan maddələrə diqqət edin: Hazır qidaların tərkibində mövcud olan əlavə maddələri olduqca vacibdir. Dadlandırıcı, qatılığı artıran kimi keyfiyyətsiz hazır qida maddələrindən uzaq durmaq vacibdir.

Hazır qidalardakı qida qatqı maddələri nə qədər zərərlidir?
Marketlərdə rəflərdə mövcud olan uzun ömürlü adı altında satılan qidalar, xüsusilə uşaqlar başda olmaq üzrə bir çox şəxsin sağlamlığına mənfi təsir göstərir. Bu qidalar adətən maddələr mübadiləsi, immunitet sisteminə, hətta genetikaya təsir göstərir. Qida sektorunda 1 il ərzində minlərlə fərqli məhsulda milyonlarla qatqı maddəsi mövcuddur. Günümüzdə hazır qidalar çox istifadə edildiyi səbəbindən bir çox şəxs tərəfindən mütəmadi olaraq alınır.
Dadlandırıcılar təbii olmadığı üçün diabetə zəmin hazırlamaqdadır. Bu maddələr, baş ağrısı, əy-ayaqlarda şişkinlik edər və uşaqların inkişafının qarşısını alır. Bu səbəbdən hazır qidalardan uzaq durulmalıdır. Ev üsulu hazırlanan qidalar daha faydalıdır.