Geniş yayılan psixiatrik xəstəliklər hansılardır?

Ruh sağlamlığı ilə bağlı xəstəliklər, şəxslərin yaşayış tərzinə mənfi təsir edən və mütləq şəkildə müalicə olunmalı sağlamlıq problemləridir.
Bir çox ruhi xəstəliklər müalicə olunmadığı təqdirdə irəliləyə bilər. Psixiatrik xəstəliklərdə problemlərin müalicəsində adətən psixiatrlarla psixoloqlar birlikdə müalicə edirlər.

Ən çox yayılan psixoloji xəstəliklər hansılardır?

Depressiya – şəxsin duyğularını, düşüncələrini, davranışlarına mənfi təsir edən ciddi xəstəlikdir. Baş verən xoş və məyusedici hadisələrə hissiyyatsız qala bilərlər. Depressiya keçirən insanlarda özünü bəyənməmək,özgüvən əksikliyi baş verir. Bu diaqnozun qoyulması üçün bu əlamətlərin mütəmadi baş verməsi lazımdır. Dərmanlarla birlikdə psixoloji seanslar bu problemdən azad olmağa xilas edə bilər. İlkin olaraq uşaqlıq və ya yeniyetməlik dövründə meydana çıxa bilər.

Bəs hansı əlamətlərlə üzə çıxır?

Qorxu, həddindən çox tərləmə, əsəbilik halları, narahatlıq hissi ən geniş yayılmış göstəricilərdir.
Diaqnozu sosial fobiya testləri ilə asanlıqla qoyula bilər.

Travmadan sonra meydana çıxan stress pozuntusu

İnsan həyatı üçün yaranan təhlükə, təhlükəsizliyi təhdid edən qorxunc və təhlükəli vəziyyətlər travma olaraq xarakterizə edilir.
Ağır nəqliyyat qəzaları, təbii fəlakətlər, ölümcül xəstəliklər, müharibələrdən sonra şəxslərdə meydana gələ biləcək ruhi xəstəlikdir. Qadınlar travmatik hadisələrə daha çox məruz qaldıqlarından onlarda daha çox stress pozuntusu müşahidə edilir.

Panik atak – Səbəbsiz yerə anidən ortaya çıxan dəhşət, qorxu, panika, narahatlıq hissləri ilə sıxıntıya səbəb olan psixiatrik xəstəlikdir. Ataklar adətən yarım saatdan qısa olmaqla bərabər bəzi insanlarda bir saata qədər davam edə bilər. Krizlərin şiddəti, müddəti, nəfəs darlığı, ürək ağrısı, ölüm qorxusu kimi əlamətlərlə xarakterizə edilir. Müddəti isə hər insana görə fərqli baş verə bilər.

Diqqət əksikliyi – Adətən uşaqlıq çağından başlayır. Bu kimi problemə unutqanlıq, işləri sonadək görə bilməmək daxildir. Belə insanlar əsəblərini idarə edə bilməzlər, bu səbəbdən gündəlik yaşayışa mənfi təsir göstərən əlamətlərin qarşısını almaq üçün müəyyən müalicə yazıla bilər.

Şizofreniya – Şəxsin öz aləmində həyat, xəyallar qurması, söhbətləşməsi, nizamsız nitq, davranış və s kimi əlamətlərlə xarakterizə edilir.

Narkotika aludəçiliyi – Müxtəlif tərkibə malik olan narkotik maddələrin hər biri vərdiş və asıllıq yaradır. Buna titrəmə, baş ağrısı, əsəbilik, anormal hərəkətlər də əlavə edilir. Müalicəsində terapiyalar, dərman müalicələrindən istifadə edilir.

Autizm – Kiçik yaşlardan uşağın adına, ətrafında baş verənlərə reaksiya verməməsi ilə bilinən xəstəliklər sırasına daxildir. Birdəfəlik sağalma ehtimalı olmasa da dərman müalicəsi və terapiyalarla nəzarətdə saxlamaq mümkündür. Bu barədə daha ətraflı məlumatı mövzu üzrə yazılan məqaləmizdən əldə edə bilərsiniz.

Bipolar pozğunluq – Depressif epizodlarla xarakterizə edilir. Bu zaman insanlar əsəbi olurlar, normalda etmədikləri hərəkətləri edə bilərlər. Həmin insanların yaşadıqları duyğuya çox diqqət edilməlidir. Əks halda bunların ən qorxunc hissi intihar ola bilər.
Əgər psixoloji xəstəlikdən əziyyət çəkirsinizsə vaxt çox keçmədən mütəxəssisə müraciət etməyiniz tövsiyə edilir. Çünki belə xəstəliklərdə zaman çox vacibdir. Əks halda problem daha da dərinləşə və müalicənin nəticəsi gecikə bilər.