Doğru ayaqqabı necə seçilməlidir?

Ayaqqabı seçimi, ayaq sağlamlığı üçün əhəmiyyət kəsb edir. "Bu il alım, gələn il də geyər" düşüncəsi ilə alınan böyük ayaqqabı ayaq sağlamlığını poza bilər. Qış aylarında geyinilən ayaqqabılara daha çox diqqət yetirmək lazımdır. Əsl dəridən hazırlanan və yüngül modellər ilk seçimləriniz sırasında olmalıdırlar. Daxili iç dabanı yumşaq və ayaq quruluşunun əksinə olmamalıdır. Üst və yanlardan sıxmamalıdır. Ayaq böyük barmağı ilə ön tərəf arasında 1 sm qədər boşluq olmalıdır.

Düzgün ayaqqabı seçimi həm uşaqlar həm də böyüklər üçün vacibdir. Hündürdaban və ya dabansız olan ayaqqabılar da ayaq ağrısı yarada biləcəyi üçün seçilməməlidir. Daban, böyüklər üçün 2,5-3 sm və geniş dabanlı model olmalıdır. Körpələrdə isə 0,5 sm, uşaqlarda isə 1,5-2 sm yüksəklikdə dabanı olan modellər seçilməlidir.

Düzgün model seçərək gələcəkdə ayaqda yarana biləcək mazol, podaqra kimi problemlərin də qarşısını ala bilərsiniz. "Böyük olsun sonra da geyər" düşüncəsi ayağın anatomiyasını poza bilər. Uşaqların ayaqları sürətli böyüdüyü üçün 6 ay aralıqlarla ayaqqabıya nəzarət etmək lazımdır. Əks halda ayaqda yaralanmalar, burxulmalar da qaçınılmaz olur.
Körpələrin ilk ayaqqabı seçiminin düzgün olması olduqca vacibdir. Yeriməyə başlayan uşaqlarda dəri parçadan hazırlanmış, yumşaq dabanlı, rahat hərəkət edə biləcəyi, dabanı sürüşməyən, önü geniş və yumru ayaqqabılar istifadə edilməlidir.