Dişlərə breket hansı yaşda taxılmalıdır?

Dişlər arasındakı forma, ara pozuntuları diş telləri vasitəsilə uğurla bərpa edilir. Diş əyriliklərini ortodontik stomatoloqlar müalicə edirlər.

Diş teli hansı yaşda taxıla bilər?

Breket taxılması üçün yaş sərhəddi yoxdur. 6 yaşından sonra istənilən hər yaş aralığında breket rahatlıqla taxıla bilər. Burada vacib məqam, doğru zamanda doğru üsulla müalicə almaqdır.

Bunun üçün 6 ilə 8 yaş arasında olan hər uşaq ümumi müayinə olunmalıdır. Çünki bu müddətdə yeni dişlərin çıxması ilə yanaşı əyriliklər müşahidə edilir. Alt çənə ilə üst çənənin inkişafı bir-birindən fərqlidir. Üst çənə 8 ilə 10 yaş arasında sürətli formada inkişaf edir. Ortodontik problemlər, uşaqlıq, yeniyetməlik çağında olduğu kimi hər dövrdə müalicə edilə bilər. Breket üçün ideal zaman 11 ilə 14 yaş arası olsa da ümumilikdə yaş məhdudiyyəti yoxdur.

Breketlərin bir neçə növü mövcuddur. Düzgün təyinatı isə müayinədən sonra ancaq həkim deyə bilər. İstifadə edilən breketlər materiala görə də bir-birindən seçilirlər.

Metal breket: Diş teli müalicəsində ən çox istifadə edilə növ metal tellərdir. Uzun zamandır çoxluqla seçilən metal breketlər digər bütün breketlərə görə dayanıqlıdır. Xüsusilə uşaqların diş müalicəsində istifadə edilir. Ən sürətli nəticəni verir.
Porselen breket – Metal breket növü ilə müqayisədə xaricdən az göründüyü üçün diş əyriliklərinin müalicələrində son illər ən çox istifadə edilən növdür. Bu növ breketlər həssas olduğundan daha çox qulluq tələb edir.

Şəffaf kappa – bu növ xaricdən heç görünmür. Olduqca zəhmətsizdir və estetik cəhətdən problemlərə yol açmır. Asanlıqla taxılıb çıxarılır, təmizlənməsi də kifayət qədər asandır. Həftədə bir dəfə olmaqla pasiyent tərəfindən rahatlıqla dəyişdirilə bilər və beləliklə yavaş formada arzu edilmiş görüntü əldə edilir.

Diş telləri neçə müddət taxılı qalmalıdır?

Diş telinin taxılı qalma müddəti, müalicə planına görə olacaqdır. Dişlər tam düzgün yerlərini alana qədər bu prosedur davam edəcək. Təxminən 18 ilə 30 ay arasında taxılı qalacaqdır.

30-40 yaşlarında breket taxılmasının çətinlikləri varmı?

Az da olsa müəyyən çətinliklər mövcuddur.

Bəs bunlar nələrdir?
Dişlər və çənə güclü olmalıdır. Diş tellərinin taxılması üçün sağlam, güclü dişlərin, damağın, sümüklərin olması vacibdir. Əks halda diş əti problemləri, diş çürüməkləri və sümük problemləri ortaya çıxa bilər.
Müalicə breketdən daha uzunmüddət tələb edə bilər. Məsələn, diş çürüklərinin, kanallarının bərpasına ehtiyac ola bilər. Bu səbəbdən dişlər çürümədən, damaq öz gücünü itirmədən həkimə müraciət etmək məqsədəuyğundur.