Dərinizi erkən qocaldan faktorlar

Qocalmaq, qaçınılmaz haldır. Sadəcə qocalmağı sürətləndirən və ya gecikdirən bir sıra faktorlar mövcuddur.

Bəs üzünüzdə qocalıq əlamətlərini sürətləndirən faktorlar hansılardır?

Erkən qocalmağın ən çox yayılan əlamətləri, dərinizdə yaranan qırışlar, ləkələr, quruluq və ya dəri tonu ilə özünü göstərir. Sağlam yaşayış tərzi vərdişləri, erkən qocalmağın qarşısını ala bilər.

Erkən qocalıq əlamətləri:

Qarışlar, yaşlılıq ləkələri, quruluq, üz dərisində sallanma

Saç tökülməsi, ağaran saçlar

Yanaq və orta üz dərisində çöküklər

Buna səbəb olan faktorları təqdim edirik:

Günəş işığı erkən qocalmağın başlıca səbəblərindən biridir. Günəşə məruz qalmaq dəri problemlərinə səbəb olur. Ultrabənövşəyi şüalara məruz qalmaq bir çox dəri problemini yaradır. Dərinizi təbii proseslərdən daha sürətli yaşlandırır. Yaşlılıq ləkələri kimi erkən dəyişikliklərə səbəb olur. Günəşə məruz qalmaq dəri xərçəngi riskini artırır.

Siqaretin tərkibindəki nikotin, vücuddakı hüceyrələri dəyişdirir. Bu toksinlər dərinizdəki kollagen və elastik lifləri parçalayaraq dəri sallanmasına, qırışlara və solğun üzə səbəb olur.

Düzgün qidalanmamaq başlıca faktorlar içərisində yer alır. Bir neçə araşdırma, şəkər, karbonhidratlar cəhətdən yüksək pəhrizlərin erkən qocalmağa səbəb ola biləcəyini göstərir. Bol meyvə və tərəvəzlə dolu pəhrizlər erkən dəri dəyişikliklərinin qarşısını almağa kömək edir.

Spirtli içki qəbulu dərinizi qurudaraq zamanla zərər verəcək. Bu da öz növbəsində dərini erkən qocaldacaq.

Araşdırmalar az yatmağın üz dərisinə birbaşa təsir etdiyini vurğulayırlar. Belə ki, az yatan zaman hüceyrələr daha sürətlə qocalır. Bu da təbii ki, dəridə özünü əks etdirir.

Stress də qocalmağın başlıca səbəblərindən biridir. Stresli olduğunuz zaman beyniniz stress hormonu olan kortizol yaradır. Bu isə dərinizin canlı görünməsini təmin edən iki maddənin qarşısını alır: Hyaluronan və kollagen.
Bundan əlavə hazır paketlənmiş qidalardan istifadə etmək qocalmağı tezləşdirir. Çünki onların tərkibi üz dərisi üçün zərərli maddələrdən ibarətdir.

Makiyajlı yatmaq dəri qocalmasını sürətləndirir. Çünki qadınların əksəriyyəti makiyaj məhsullarından istifadə edir, ancaq tərkiblərinin nə olduğunu düşünmürlər. Bir çox belə məhsulların tərkibində zərərli maddələr mövcuddur. Bu isə dəri qocalığına, səpkilərə, ləkələrə yol açır.