Baş ağrıları zamanı təbii çarə nədir?

Baş ağrıları bir çox insanın ortaq problemidir desək yanılmarıq. Gərgin iş həyatı, problemli məsələlər insan beyninə mənfi təsir göstərir. Xüsusilə də aclığın və susuzluğun zəmin yaratdığı baş ağrılarını bəzən dərmansız keçirmək mümkün olmur.

Baş ağrılarının səbəbləri nələrdir?

Miqren

Stress

Aşağı qan şəkəri

Panik ataklar

İnfeksiyalar

Travmatik beyin zədələnməsi

Beyin şişi

Qrip

Çoxlu dərman istifadəsi

Yuxu pozulması

Depressiya

Həddindən çox kafein istifadəsi və s.

Bəs təbii yolla belə ağrının öhdəsindən gəlmək olarmı?

Türkiyəli nevroloqların bu barədə araşdırmasını təqdim edirik:

Yuxu rejimi

Düzgün olmayan yuxu rejimi, baş ağrılarını yaradan əsas faktordur. Ümumi alınan yuxu kifayət qədər görünsə də, vücud ehtiyacı qədər dincəlməsə baş ağrıları şiddətlənə bilər. Başınız tez-tez ağrıyırsa yuxu rejimini mütləq normal vəziyyətə döndərməlisiniz. Ancaq gündüz yuxusu çox olmamalıdır. Əgər vücud yorğun düşərsə 20 dəq qədər dincəlmək, yuxulamaq orqanizmə kifayət edəcəkdir.

Maye qəbulu

Kifayət qədər maye qəbulu olmadıqda vücud susuz qalır. Bu isə təbii ki ağrılara zəmin yaradır. Xüsusilə də isti havalarda vücuddan tənəffüs və buxarlaşma yolu ilə 500-700 lt su itkisi baş verir. Gündə 2-2,5 litr su içmək vacib şərtlərdən biridir. Su içməkdə çətinlik çəkən insanlar suyu dadlandıraraq içə bilər. Hər gün səhər 1,5 lt suyun içərisinə dadlandırmaq üçün alma, armud kimi meyvələri və ya limonu kəsərək içərisinə atıb gözlədə bilərsiniz. Bu suyu daima yanınızda saxlayın və ara-ara qəbul edin.

Aromatik yağlardan istifadə

Rahatlaşdırıcı təsirə malik olduğundan baş ağrıları üçün də əvəzsizdir. Bu, lavanta, nanə yağı və s. ola bilər. Həmçinin tənəffüs yolunuzu rahatlaşdıraraq rahat yuxu qəbuluna kömək edəcəkdir.

Bitki çaylarından istifadə

Çay ilə ağrıları azaltmaq ta qədimdən istifadə edilən üsuldur. Rahatlaşdırır, sakitləşdirir. Xüsusilə də çobanyastığı, yaşıl çayın ağrıkəsici xüsusiyyəti vardır.

Massaj

Çox sərt olmadan edilən massaj vücudun rahatlaması, ağrıların azalması üçün kifayət edəcəkdir. Boyun nahiyəni massaj edərkən ehtiyyatlı olmağınızda fayda var. Professional massaj etdirməyiniz daha məqbul qəbul olunur.

Nəfəs texnikasını öyrənin

Düzgün nəfəs almaq ağrılar zamanı nəzarəti itirməməyə kömək edir. Həmçinin yuxuya daha tez getməyi təmin edir. Təxminən 5 dəq. ərzində mümkünsə səssiz, havalı və açıq ortamda normal şəkildə oturub dincəldikdən sonra yenə 5 dəq. ərzində 7 saniyə yavaş və dərin nəfəs alıb, 4 saniyə bu nəfəsi tutub, 8-9 saniyədə nəfəsi yavaşca və tamamilə verərək edilən nəfəs texnikaları rahatlaşdırıcı təsir göstərəcək.

Duş qəbul edin

Çox isti olmayan duş əzələlərinizi genişləndirərək vücudunuzu rahatlaşdıracaq və ağrınızın keçməsinə kömək edəcəkdir. Əgər miqren xəstəsinizsə duşun sonunda çox soyuq olmayan su ilə qısa müddətdə başınızı yumağınız yaxşı təsir göstərəcəkdir.

Sakit ortam

Mümkün qədər səsli-küylü yerdən uzaq durmağa çalışın. Xüsusilə miqren xəstələrinə səsli ortam daha da mənfi təsir göstərir.

Yemək seçimlərinizə diqqət edin

Baş ağrılarına zəmin yaradan vacib faktorlardan biri aclıqdır. Çünki ac qaldıqda təzyiq aşağı düşür, bu da baş ağrısına zəmin yaradır. Daha sonra yemək yeyilsə də baş ağrısı keçməz.

Streslə mübarizə yollarını öyrənin

Baş ağrılarının ən əsas səbəbi stresdir. Stressiz bir yaşayışın olmadığını nəzərə alaraq bir qismini qəbul edərək mübarizə yollarının araşdırılması daha münasibdir. Stress zamanı problemin içərisinə daxil olmaqdansa, çıxış yollarının tapılmasına verilən diqqət, baş ağrılarının şiddətlənməsinin qarşısını alacaqdır.