Bağırsaq xəstəlikləri hansılardır?

İncə bağırsaq və yoğun bağırsağın qidaların həzmi müddətində vacib vəzifələri vardır.

Doktorinfo.az xəbər verir ki, incə bağırsaqlar, təməl olaraq qidaların həzmi və sovrulmasında funksiyası vardır. Yoğun bağırsaqlarda duzlar və vitaminlərin sovrulmasını təmin edir. Həmçinin B12, K vitamini kimi vitaminlərin sintezində də qalın bağırsaqların rolu vardır. Bu səbəblə hər keçən gün bağırsaqların vacibliyi daha çox anlaşılır. Bəzi vəziyyətlərdə müxtəlif faktorların təsiriylə bağırsaqlarda sağlamlıq problemləri görülə bilir.

Bağırsaq xestelikleri və elametleri nələrdir?
Bağırsaq xəstəlikləri üçün hansı həkimə gedilməlidir?

Bağırsaq xəstəliklləri doğuşdan gələn bağırsağın quruluş pozğunluqları nəticəsində ortaya çıxa bilər. Bununla yanaşı bağırsaq xəstəliklərinin əksəriyyəti müxtəlif faktorların təsiriylə bağırsağın funksiyasını yerinə gətirə bilməməsi nəticəsində ortaya çıxar. Bu növ xəstəliklərlə qastreontoloqlar məşğul olur.

Bağırsaq xəstəlikləri hansılardır?

Kolit – Yoğun bağırsaq xəstəlikləri içərisində ilk sıralarda yer alan kolit, qalın bagirsagin iltihabı xəstəliyidir. Yoğun bağırsağın hansısa bir yerində ortaya çıxa bilən kolit irəliləyən mərhələlərdə bütün qalın bağırsağa yayıla bilir. Kolitin səbəbi tam olaraq bilinməməklə birlikdə müxtəlif infeksiyalar, uzun müddət radiasiyanın, qida zəhərlənməsi kimi faktorların kolitə səbəb ola biləcəyi düşünülür.

Kolitin əlamətləri arasında qarın ağrısı, şişkinlik, mütəmadi tualetə getmə istəyi, ishal, irəliləyən vəziyyətlərdə nəcisdə qan görülməsi kimi şikayətlər mövcuddur. Kolitin müalicəində erkən diaqnoz olduqca əhəmiyyətlidir.

Erkən diaqnoz, düzgün müalicə ilə simptomları yüngülləşdirmək mümkündür.
İshal – Cəmiyyətdə ən çox görülən bağırsaq xəstəliklərdən biri ishaldır. Bağırsaq hərəkətlərinin normaldan daha sıx olması, nəcisin sulu olması ilə xarakterizə edilən sağlamlıq problemidir. Başlıca əlamətlərdən biri mədə bulantısı, qusma, maye itkisidir. Adətən bir neçə gün ərzində özlüyündən yaxşılaşır. Ancaq uzun müddət ishal vəziyyəti xüsusilə uşaqlarda qısa müddətdə dehidrasyona səbəb ola bilir. Bu səbəblə uzayan ishal vəziyyətində zaman itirmədən həkimə müraciət edilməlidir.

Bağırsaq tıxanıqlığı – Hansısa bir səbəbi qida və mayenin bağırsaqlardan keçə bilmədiyi vəziyyətlərdə bağırsaq tıxanıqlığından söz edilə bilər. Bağırsaq tıxanıqlığının səbəbləri arasında bağırsaqlarda yaranan yapışıqlıqlar, xərçəng kimi vəziyyətlər sayıla bilər. Erkən zamanda müdaxilə edilərək tıxanıqlıq həll olunmadığı zaman bağırsaqlarda deşilmələrə yol aça bilər.

Bağırsaq çürüməsi – Bağırsağı qidalandıran damarlarda tıxanma və ya daralma olması nəticəsində ortaya çıxan ciddi saglamliq problemidir. Əlamətləri arasında şiddətli qarın ağrısı, mədə bulantısı qusma, qəbizlik kimi əlamətlər mövcud olan bağırsaq çürüməsi diqqətə alınmadığı zaman ciddi sağlamlıq problemlərinə səbəb ola bilir.
Qəbizlik – İshalın əksinə qəbizlik problemi yaşayan şəxslərdə bağırsaq hərəkətləri normalda olması gərəkəndən daha yavaş və azdır. Adətən bağırsaq hərəkətlərinin həftədə 3 dəfədən az olduğu vəziyyətlərdə qəbizlikdən şübhələnmək olar. Qebizliyin başlıca səbəbi qidalanma vərdişləridir. Lifli qidalardan yoxsul qidalanan şəxslərdə qəbizliyə daha sıx rastlanır. Ancaq qəbizliyə nəcisdə qan görülməsinin və ya qəbizliyin 3 həftədən daha uzun çəkdiyi vəziyyətlərdə qəbizliyin səbəbi daha ciddi sağlamlıq problemi ola bilər.