Ağciyər infeksiyasının simptomları və müalicəsi

Virus, bakteriya və ya göbələklərin ağciyər toxumalarında yaratdığı iltihablanmalarla bağlı narahatçılıqlar ağciyər infeksiyası olaraq adlandırılır. Yüngül və ya şiddətli formada baş verir.

Ağciyər infeksiyası, bakteriya, virus, göbələklərin ağciyərdəki hava kisələrinin iltihablanmasına, maye ya da irinlə dolmasına səbəb olması ilə inkişaf edən xəstəlikdir. Bu da oksigenin qan dövranına daxil olmasını çətinləşdirə bilər. Alt və üst tənəffüs yollarında yaranan bakteriyalar ilə ortaya çıxan ağciyər infeksiyalarının ən geniş yayılanı sətəlcəmdir. Bunun xaricində ağciyərlərə hava daşıyan bronxial boruların iltihablanması nəticəsində yaranan bronxit də infeksiyalar arasında yer alır.

Ağciyər infeksiyası ciddi təhlükəli hallara yol aça bilər. Bu səbəbdən simptomlar diqqətə alınmalıdır.

Ağciyər infeksiyasının əlamətləri nələrdir?

Sarı, yaşılımtıl, bəlğəmli öskürək

Yüksək qızdırma

Titrəmə, tərləmə

Nəfəs almaqda çətinlik

Nəfəs darlığı

Yorğunluq

Halsızlıq

Mədə bulantısı, qusma

İshal

İşdahsızlıq

Simptomlar daha sonra bu formada müşahidə edilir:
Yüksək qızdırma – İmmunitet sistemi ağciyər infeksiyası ilə mübarizə apararkən yüksək qızdırma yaranır. Bakteriya ilə bağlı ağciyər infeksiyası yaşanırsa qızdırma 40 dərəcəyədək qalxa bilər.

Sinə ağrısı – Adətən kəskin və ya bıçaq girməsi kimi hiss verir. Bununla birlikdə öskürək əsnasında və ya dərin nəfəs alarkən şiddəti arta bilər.

Öskürək – İnfeksiyaya bağlı olaraq öskürək bəzən qanlı formada gerçəkləşə bilər. Digər əlamətlər keçsə də öskürək bir neçə həftə ərzində davam edə bilir.

Vücud ağrıları – Əzələlərlə birlikdə kürəkdə də yaranır.

Nəfəs darlığı – Ağciyər infeksiyasının əlamətləri arasında nəfəs darlığı da yer alır.

Burun axıntısı – Xüsusilə burun axıntısı və asqırma kimi əlamətlər bronxitlə bağlı ağciyər infeksiyasının göstəricisi ola bilər.

Xırıltı – Nəfəs alıb-verərkən fərqli bir səs, xırıltı olaraq bilinir. Bu xırıltı ağciyər infeksiyası əlamətləri arasında yer alır.

Titrəmə - Ağciyər infeksiyasına bağlı olaraq yüksək qızdırma ilə yanaşı titrəmə də yaşana bilər.

Enerji azlığı və yorğunluq – İmmunitet sisteminin düşdüyü ağciyər infeksiyalarında şəxs özünü yorğun və tükənmiş hiss edir.

Sətəlcəm, bronxit, qrip, tuberkuloz kimi bir çox növləri mövcuddur.

Ağciyər infeksiyası üçün faydalı olan üsulları təqdim edirik:
Bol-bol su için

Mümkün qədər istirahət edin

Zəncəfilli çay için

Duzlu su ilə qarqara edin

Olduğunuz məkanı havalandırın

Qızdırma salan dərmanlardan istifadə edin

İnfeksiyanın keçmədiyi vəziyyətlərdə həkim təyinatı üzrə antibiotiklərdən istifadə edin

Pis vərdişlərdən imtina edin.

Ağciyər infeksiyası necə günə keçər?

Ağciyər infeksiyası adətən 3-5 gün ərzində yaxşılaşarkən şiddətli infeksiya vəziyyətəri 10 gündən 6 həftəyə qədər davam edə bilər.