Psoriaz xəstəliyi

Psoriaz, müalicəsi olmayan xroniki xəstəlikdir.

Doktorinfo.az xəbər verir ki, bu xəstəlik, bir neçə həftə və ya bir ay ərzində baş qaldırar, sonra bir müddətliyinə azalar. Əlamətlərini azaldan bir sıra müalicə üsulları mövcuddur.

Psoriazin elametleri nelerdir?

İnsandan-insana dəyişir. Ən çox yayılan əlamətləri aşağıdakılardır:

Qalın, gümüş pullanma ilə yaranan qırmızı dəri ləkələri

Qaşınan quru dəri

Qaşıntı ilə yanaşı yaranan yanma, ağrı

Şişmiş və sərt oynaqlar.
Ən çox təsirlənən nahiyələr bel, dirsək, diz, ayaq, ayaq dabanları, baş dərisi, üz və ovuc içidir.

Xəstəliyin səbəbləri iki əsas faktorla bağlıdır.

İmmun sistemi – ağ qan hüceyrələrinin dəriyə yanlışlıqla hücumu nəticəsində müşahidə edilən xəstəlikdir. Otoimmun xəstəlikdir. Sürətlə istehsal olunub dəri hüceyrələri dərinin alt təbəqəsində toplanır. Toplaşan dəri hüceyrələri dərinin üzərinə itilərək dərini məhv edər. Bununla dəridə qırmızı rəngli iltihablı sahələr görülə bilər.

Genetik səbəblər – Genetik yollarla ana-ata və ya birinci dərəcədə qohumluğu olan şəxslərdən keçə bilər. Qohumlarda bu xəstəliyin olması şəxsin psoriaza yoluxma riskini artırır.

Hansı vəziyyətlər bu xəstəliyə zəmin yaradır?

Soyuq və quru hava

Həşərat dişləməsi və ya şiddətli günəş yanığı

Stress

Siqaretdən istifadə

Spirtli içki qəbulu

Bəzi oral dərmanların anidən kəsilməsi

Psoriazın bir neçə növü vardır: Eritrodermik, vulqar, irinli və digərləridir. Bunlar bir-birindən fərqlənir. Məsələn, vulqar psoriaz yüngül gedişli, müalicəyə tabe olan növüdür. İrinli isə daha çətin, ağır davam edən, sistemik müalicələrə ehtiyac duyulan növdür.

Bəs diaqnoz necə qoyulur?

Əksər zaman həkim əlamətləri müşahidə edərək diaqnozu qoyur. Ailənin başqa üzvünün bu problemdən əziyyət çəkməyi diaqnozu qoymağa kömək edir. Şübhəli vəziyyətlərdə isə biopsiya edilə bilər. Bundan əlavə qanda bəzi göstəricilərə baxılaraq növü daha da dəqiqləşdirilir.

Psoriazin mualicesi varmi?

Xroniki xəstəlik hesab olunduğu üçün qalıcı müalicə növü yoxdur. Ancaq şiddətlənən əlamətləri azaltmaq mümkündür. İltihablanma azaldıla və dəri müəyyən qədər də olsa yaxşılaşdırıla bilər. Müalicə həkimin qoyduğu diaqnoza əsasən təyin edilir.