İnsanlar niyə xoruldayır? - Səbəb və əlamətləri

Bütün insanlar həyatlarının müəyyən dövründə xoruldama ilə üzləşir. Xoruldama adətən yuxu əsnasında baş verir. Ancaq xoruldama probleminin tənəffüsə təsir göstərməsi və yuxuya maneə olma səbəbiylə şəxsin gün ərzində halsız qalmasına səbəb olur.

Xoruldama, hava yolunun qismən tıxanması, boğaz quruluşunun genişlənməsi ya da əzələlərin genişlənməsi səbəbiylə yaranır. Hava yolu tıxalı olduğu və rahat nəfəs alına bilmədiyi üçün nəfəs almağa çalışan zaman boğazda titrəmə meydana gəlir, bu vəziyyət də xoruldamağa səbəb olur.

Yüksək pərdəli bir xoruldama şəxsin həm öz yuxusunun həm də ətrafındakı şəsxlərin yuxu keyfiyyətinə əhəmiyyətli dərəcədə təsir göstərir. Əgər yuxu zamanı və ya xoruldayarkən nəfəsiniz durursa bu vəziyyət yuxu apnesi ilə bağlı ola bilər.

Xoruldamağın səbəbləri:

Burun, boğaz, çənə forması ilə bağlı problemlər

Yumşaq damaq şişməsi

Badamcıqların şişməsi

Soyuqdəymə və ya allergiya

Spirtli içki qəbulu

Antihistamin istifadəsi

Hamiləlik

Artıq çəki

Yuxu dərmanı qəbulu

Yüksək təzyiq

Yuxunun kifayət qədər alına bilməməsi

Əlamətləri nələrdir?
Xoruldamağın özü əsas əlamətdir. Çox bəsit görülsə də altda yatan ciddi xəstəliklərllə bağlı yarana bilər. Uzunmüddət davam edən xoruldama, dincəldikdən sonra keçmirsə və ya kəsik-kəsik, birdən nəfəs almaq davam edirsə, ürək və ya yüksək təzyiq kimi bəzi xəstəliklərlə bağlı inkişaf edə bilər.

Xoruldamağın digər əlamətləri:

Səhərləri hiss edilən boğaz ağrısı

Gün ərzində yorğun hiss etmə

Qan təzyiqini və ya qan şəkərinə nəzarət etməkdə çətinlik

Əsəbilik

Diaqnoz necə qoyulur?

İlk olaraq müayinə edilərək şikayətlər dinlənilir.

Dəqiq diaqnoz üçün tomoqrafiya, MR, endoskopi kimi müayinələr tələb oluna bilər.

Müayinə əsnasında ürək döyüntüləri, nəfəs hərəkətləri, beyin dalğaları ətraflı araşdırılır.

Müalicə

Bəzi tipləri müalicə edilməsə də, altında yatan səbəblərlə bağlı olaraq müxtəlif müalicə alternativləri inkişaf etdirilmişdir. Adətən xoruldamağın altında yatan tibbi səbəb yoxdursa şəxsin həyat tərzində edəcəyi dəyişikliklər, xoruldamağın ortadan qalxmasına və ya azalmasına kömək olur.