Diş daşı təmizliyi

Diş daşı dişlərin səthində toplanan sərt mineral maddələrdir.

Doktorinfo.az xəbər verir ki, diş daşının yaranması adətən bakteriyaların zamanla minerallaşması nəticəsində ortaya çıxır. Bu vəziyyət dişlərin üzərində sarı və qəhvəyi rəng ləkələrin yaranmasına səbəb ola bilir.

Diş daşı ilk olaraq diş əti iltihablanmasına səbəb ola bilər. Diş əti iltihablandığında diş ətləri qızarır, şişər və qanayar. Uzun müddətdə bu vəziyyət diş əti çəkilmələrinə və dişlərin sallanmasına yol aça bilər. Eyni zamanda diş daşı diş minasını zəiflədərək çürük yaranmasını artıra bilir və dişlərdə rəng dəyişikliklərinə səbəb ola bilir.

Diş dasinin sebebleri
Diş daşı ağız gigiyenasına diqqət edilməməsi və plak yaranmasının nəzarət altına alınmaması nəticəsində ortaya çıxan bir problemdir.

Diş daşına səbəb olan faktorlar bunlardır:

Ağız gigiyenasının kifayətsizliyi: Diş daşının yaranmasının təməl səbəblərindən biri ağız gigiyenasının kifayətsiz olmasıdır. Dişlərin müntəzəm bir formada fırçalanmaması plak yaranmasına bağlı diş daşı riskini artıra bilər.

Mineral toplantısı: Ləkələr üzərində olan kalsium, fosfor, digər mineralların tüpürcəkdəki mineral tərkibi ilə birləşməsi ilə mineral toplantısı yaranır. Bu mineral toplantısı plak təbəqəsinin sərtləşməsinə və diş daşı halına gəlməsinə səbəb olur.

Qidalanma vərdişləri: Yanlış və şəkərli qidalanma tərzi bakteriyaların plak yaranmasının sürətlənməsinə dəstək olur. Xüsusilə şəkərli və nişastalı qidalar bakteriyaların xarici səthində çoxalmasına və plak yaranmasına zəmin hazırlayır.
Diş daşı təmizliyi sonrasında diqqət edilməsi gərəkənlər

Hər şəxsin ağız sağlamlığı və sağalma müddəti fərqli olduğundan, diş həkiminizin tövsiyələrinə tam olaraq uyğunlaşmaq əhəmiyyətlidir. Diş daşı təmizliyi sonrasında ağız sağlamlığını qorumaq üçün ilk bir neçə saat ərzində diqqət edilməsi gərəkli vacib faktorlar aşağıdakılardır:

Yemək yeyilməməli və içki içilməməlidir: Diş daşı təmizliyi sonrası yemək yeməzdən öncə bir müddət gözlənilməsi gərəklidir. Ağızda istifadə edilən özəl təmizlik məhsulları və prosedurlar səbəbiylə ağızda həssaslıq yarana bilər. Bu səbəbdən təmizlik sonrasında bir müddət yemək yeyilməməlidir və içki istifadə edilməməlidir.

Bu müddət adətən bir neçə saat və ya diş həkiminin tövsiyə etdiyi müddət qədər ola bilər.
Qəhvə və çaydan qaçınılmalıdır. Xüsusilə ilk bir neçə saat ərzində qəhvə və çay kimi rəngli içkilərdən qaçınılmalıdır. Diş daşı təmizliyi sonrasındna diş səthləri həssas ola bilər və bu növ içkilər rəngli piqmentlər tərkibinə sahib olduğu üçün ləkələnmələrə yol aça bilər.

Siqaret qəbul edilməməlidir. Bu vərdiş diş daşı yaranmasını artıra bilər və diş sağlamlığına mənfi təsir göstərə bilər. Diş daşı təmizliyindən sonra siqaretdən qaçınılmalıdır.

Diş daşı təmizliyi dişə zərər verirmi?

Diş daşı təmizliyi adətən dişə zərər verməz. Professional diş təmizliyi prosedurları diş həkimləri tərəfindən gerçəkləşdirilir. Professional diş daşı təmizliyi diş minasına zərər vermədən plak və diş daşlarının effektli bir formada təmizlənməsini təmin edir. Diş daşı təmizliyi sonrasında yaranan boşluq kimi gözlənilən vəziyyətlər ola bilər. Nadir hallarda diş minasında həssaslıq yarana bilər.