Bronxoskopiya nədir?

Bronxoskopiya, müxtəlif ağciyər xəstəliklərinin diaqnoz və müalicəsində tənəffüs yollarını ətraflı görə bilmək üçün edilən prosedurdur.

Doktorinfo.az xəbər verir ki, bu, bronxoskopiya adlanan cihazla edilir. Bu, sadəcə diaqnoz üçün deyil, müalicə məqsədli tətbiq olunan üsuldur.

Daha ətraflı məlumat üçün məqaləni sona qədər oxuya bilərsiniz.

Ağciyər və tənəffüs yollarındakı problemlərin diaqnozu və müalicə etməyə kömək ola biləcək prosedurdur. Adətən lokal anesteziya ilə edilir. Nadirən də olsa bəzi vəziyyətlərdə ümumi anesteziyaya ehtiyac ola bilir. Bronxoskopiya prosedurunda incə, plastik kamera ilə ağciyərlər yoxlanılır. Bu proseduru gərəkdirən qalıcı öskürək, nəfəs almaqda çətinlik, infeksiya vəziyyəti və s kimi anormal əlamətlərdir.

Bronxoskopiya ne ucun edilir?

Ağciyərdə hansısa bir infeksiya olması

Müalicəyə baxmayaraq keçməyən öskürək

Ağciyər toxumasından biopsiya alınması

Ağciyərdə şiş şübhəsi

Ağciyərdə qanaxma vəziyyətində qanaxmanın yerinin təsbit edilməsi

Ağciyərlərin ətrafındakı limfa düyünlərindən biopsiya alınması

Tənəffüs yollarını bağlayan yad cismlərin çıxarılması üçün bronxoskopiya proseduru tətbiq edilir.

Prosedurdan sonra edilməsi gərəkənlər

Prosedurdan sonra hansısa problemin yaşanmadığına əmin olmaq üçün xəstə 1-2 saat müşahidə altına alınır. Ağız və boğazın bit neçə saat uyuşacağı ehtimal edilir. Uyuşuqluq keçənə qədər ortalama
3 saat yemək yeyilməməli və ya su içilməməlidr. Uyuşma keçdikdən sonra boğaz ağrısı, öskürək, səs kəsintisi yaşana bilər.

Bronxoskopiya prosedurundan sonra aşağıdakı vəziyyətlər yaşanarsa həkimə müraciət edilməlidir:
Bir gündən artıq heraret

Döş qəfəsi ağrısı

Nəfəs almaqda çətinlik

Öskürəklə birlikdə qan gəlməsi

Bronxoskopiya proseduru ne qeder davam edir?

Adətən 15-30 dəqiqə davam edir. Öncə və sonra üçün təxminən 3 saat davam edir.