Boru mədə əməliyyatı

Mədənin ölçüsünü kiçiltmək, qida miqdarını azaltmaq üçün müxtəlif üsullardan istifadə edilir.

Doktorinfo.az xəbər verir ki, piylənmə cərrahiyyəsində şəxsə görə fərqli əməliyyat üsulları istifadə edilə bilir. Bu prosedurla çəki vermə asanlaşır və əlavə olaraq hormonal dəyişiklikləri də hərəkətə keçirir. Hormonal dəyişikliklər, ürək xəstəliyi və yüksək təzyiq piylənmə ilə bağlantılı olduğundan bu xəstəliklərin qarşısını almaqda effektli olur.

Boru mede emeliyyati nedir?

Boru mədə yəni Sliv Qastrektomiya əməliyyatı mədənin cərrahi üsulla bir boru halına gətirilməsidir. Həzm sistemi incəldiyi zaman bu sistemin bütün orqanlarının boru formasında olduğu görülür. Qida borusu, bağırsaqlar bunların hər biri incə uzun borular formasında olan orqanlardır. Mədənin forması boru formasına bənzədiyi üçün boru mədə əməliyyatı olaraq adlandırılır. Bunun aclıq hormonu üzərində də ciddi təsiri mövcuddur. Yeməyə qarşı istək azalır, beyin daha az aclıq hiss edər yəni boru mədə əməliyyatı sadəcə mexaniki təsir deyil, hormonal təsir yaradır.

Boru mede emeliyyatindan ne zaman istifade edilir?
İlk olaraq piylənmə müalicəsində istifadə edilir. Bununla yanaşı tip 2 diabet zamanı da ehtiyac görülə bilər.

Boru mədə əməliyyatı necə edilir?

Adətən anesteziya altında edilən əməliyyatdır.

Əksər zaman qapalı yəni laparoskopik üsullarla edilir. Cərraha və xəstəyə görə bir dəlikdən və ya 4-5 dəlikdən və hətta robot ilə də edilir.

Dəliklər çox kiçik olduğu üçün estetik mənada irəlidə problem yaratmır.

Damarlanma və qanamayla bağlı tədbirlər alındıqdan sonra mədə özəl kəsici və bağlayıcı alətlərlə kəsilir.

Prosedur bitdikdən sonra əməliyyatın öncəsində qoyulan kalibrasyon borusu çıxardılır.
Boru mədə əməliyyatından öncə və əməliyyat günü nələrə diqqət edilməlidir?

Xəstələr öncə bir çox analizlərdən keçirlər. Boru mədə əməliyyatına maneə ola biləcək mədə ülsəri, ürək narahatlıqları kimi problemlərin olub-olmadığı dəyərləndirilir. Cərrahiyyəyə uyğun hala gətirilir. Bəzən əməliyyatdan öncə əlavə müayinə və müalicələr gərəkli ola bilər.

Xəstə adətən əməliyyat günü xəstəxanada yatmağa gətirilir. Əməliyyatdan sonra isə 2- 3 gün qalınır.

Boru mədə əməliyyatını hansı yaşda etdirmək olar?

Adətən 18 yaşdan aşağı şəxslərdə əməliyyatdan istifadə edilmir. Piylənmədən çox əziyyət çəkənlərdə istifadə edilir. İstisna vəziyyətlər xaric 18 yaşa çatmamış şəxslərə bu əməliyyat edilmir. Üst yaş olaraq isə 65 düşünülür. Bununla yanaşı ümumi vəziyyəti yaxşı olan, əməliyyatı rahat qəbul edə bilən, həyat ömrü uzun olan xəstələrə bu əməliyyat edilir.