Boyun tutulması zamanı nə etməli?

Boyun tutulması irəli yaşda və ya gənc bütün şəxslərdə görülə bilən və qısa müddətdə də müsbət nəticələr alınıb sağala bilən narahatlıqdır.

Doktorinfo.az xəbər verir ki, əksər baş və boyun nahiyəsində meydana gələn ağrı qısa müddətdə yaxşılaşıb keçsə də bu müddətdə doğru hərəkətləri etmək əhəmiyyət kəsb edir. Tərs bir hərəkət və ya yanlış müdaxilə yüngül ağrıları daha da şiddətləndirə bilər.

Boyun tutulmasi nedir?

Əksər zaman günün erkən saatlarında meydana gələn boyun hərəkətlərini məhdudlaşdıran əzələlərdə gərginlik və sərtlik ilə xarakterizə edilib baş boyun nahiyəsində meydana gələn şikayətlərə boyun tutulması adı verilir. Bu zaman bədəni sabit tutub boyunu sağa və sola çevirmək çətinləşə bilir. Şiddətli ağrı və gərginləşmə səbəbiylə gündəlik həyat tərzində şəxs özünü narahat hiss edir və işlərini görə bilmir.
Boyun tutulmasının ən geniş yayılmış sebebleri:

Xüsusilə gecə yatarkən boyunun tərs və çətinləşdirən bir pozisiyada qalması

Uzun müddət kompüter başında zaman keçirmək və boyuna həddindən çox yük salmaq

Gün ərzində mobil telefona çox baxmaq

İdman ərəfəsində kəskin və sərt formada hərəkət etmək

Soyuqdəymə və bənzəri infeksiyalar keçirmək

Çanta və ya buna bənzər ağırlıqları qaldırmaq

Yanlış və sərt yastıq seçimi

Uzun müddət, istirahətsiz nəqliyyatdan istifadə etmək

Boyun tutulması necə keçər?

Dərmanla müalicə: Əzələlərin rahatlanması üçün əzələ genişləndirici krem və ya dərman istifadə edilə bilər. Gərəkli vəziyyətlərdə aşağı dozda ağrıkəsici verilə bilər.

Steroid inyeksiya: Əzələləri uyuşduran kortikosteroid maddəli dərmanlar nahiyəyə inyeksiya edilir.

Fizioterapiya: Boyun və bütün vücudun ən təbii və sağlam sağalma mexanizmasını təmin edən idman hərəkətləri fizioterapiya seanslarında tətbiq edilir. Beləliklə genişlənən əzələlər ideal quruluşuna və vəziyyətinə qovuşa bilirlər.
Boyun tutulması ağrısı neçə günə keçər?

Bütün əzələ problemlərində olduğu kimi boyun tutulmasının müddəti də əzələnin gərginləşmə dərəcəsinə və ağrının şiddətinə bağlıdır. Şəxsin ümumi sağlamlıq vəziyyəti də bura təsir göstərir. Adətən idman hərəkətləri və kremlərlə birlikdə bir neçə günə müsbət təsir görülə bilir.

Eyni zamanda əzələ toxumasında yarana biləcək xroniki iltihab və vücudda meydana gələ biləcək duruş pozğunluqlarının da qarşısı alınmış olar.