Göz rənginin dəyişdirilməsi, Flaak əməliyyatı

Göz rəngini iris yəni göz bəbəyinin içindəki piqment (rəngli maddə) miqdarı müəyyən edir.

Doktorinfo.az xəbər verir ki, çox az piqment daşıyan gözlər maviykən, orta ölçüdə piqmentli gözlər yaşıl tonlarındadır.

Ölkədə ən çox görülən göz rəngi olan qəhvəyi rəng gözlər isə ən çox piqment daşıyan gözlərdir. Gözlərin hansı rəngdə olacağı yəni nə qədər piqment istehsal ediləcəyi genetik quruluşa görə müəyyən olunur. Ana və atanın genlərindən keçər.
Göz rəngini dəyişdirmək mümkündür?

Göz rəngi müxtəlif üsullarla dəyişdirilə bilər, ancaq bu üsulların bir çoxu gözə zərər vermə və korluq riski daşıyır.

Göz rəngi dəyişdirilməsi ilə bağlı bu təhlükəli üsulların tətbiq edilməsinin əksəriyyəti ölkədə qadağa olan tətbiqlərdir və xəstələri qorumaq məqsədilə icrasına icazə verilmir.

Göz rənginin dəyişdirilməsi üçün əməliyyatla Flaak metodundan istifadə edilir. Flaak metodunda rəng seçimi müxtəlifdir. Seçim zamanı əsas piqment və qarışıq piqmentlər təklif edilir. Texnologiya vasitəsilə öncədən rəng seçimini rahatlıqla sınayaraq etmək mümkündür. Pasiyent bunu vizual olaraq görür və seçə bilir. Bu üsul ilə əməliyyatın sağalma müddəti 3 günə qədər çəkir. İlkin zamanlar sulanma, bulanıq görmə kimi şikayətlər ola bilər. Bu isə qısa müddətdə keçir.
Qeyd edək ki, bu əməliyyat zamanı gözün əsas rəngi dəyişilmir. Boya buynuz qişaya yeridilir. Bu estetik xarakter daşıyır. Rənglər köçürüldükdən sonra bir ay ərzində dəyişimə məruz qalır. Bu təqribən 20 faiz təşkil edir. Məsələn, qoyulan tünd rənglər zamanla daha açıq rəng ola bilər. Daha sonra 7 aya kimi isə az dəyişim müşahidə edilə bilər.

Cərrahi əməliyyat təqribən 30-45 dəqiqə davam edir. Ağrısız icra edilir.