Bronxit: Əlamətləri və təbii müalicəsi

Bronxit, ağciyərlərə hava daşıyan bronxların mikroorqanizmlər, siqaret istifadəsi ya da allergenlər səbəbiylə mukus və xırıltı ilə ortaya çıxan iltihablanma vəziyyətidir. Hava yolları divarında olan bu iltihablanma hava yollarının içəridən şişərək ödəm qalınlaşmasına və bəlğəm artışına səbəb olur. Bronxiti olan şəxslər, solğun rəng və qatı bəlğəm öskürürlər. Şəxsin yaşına, xəstəlik keçmişinə və mövsüm keçişlərinə görə bronxit növü də dəyişiklik göstərir.

Bronxit barədə daha ətralı məlumat üçün məqaləni sonadək oxuya bilərsiniz.

Doktorinfo.az xəbər verir ki, həm akut bronxitdə həm də xronik bronxitdə bronxlarda sisme və mukus artışının olduğu üçün ən böyük əlamətdir. Həmçinin nəfəs darlığı, çətin çıxan bəlğəm əlamətlər sırasındadır.

Xroniki bronxitdə isə xüsusilə hərəkətlə gələn nəfəs darlığı və xırıltısının artması yorğunluq halı və hətta tez-tez sətəlcəm keçirmə kimi vəziyyətlər görülür. Bununla yanaşı ən az iki il ərzində, il daxilində 3 ay boyunca bəlğəmli öskürək də şikayətlər arasında mövcuddur.

Bronxitin elametleri:

Kəskin öskürək

Boğazda belğemin yaranması

Qızdırmanın yüksəlməsi

İştahsızlıq

Tənəffüsdə sıxıntı, nəfəs darlığı

Qarın ağrısı

Halsızlıq və yorğun hiss etmək

Bronxitin müalicəsi necə aparılır?

Bronxitin müalicəsində əsas hədəf, bronxlardakı şişliyi azaldıcı və artan tündləşmiş bəlğəmi yumşaldıcı dərmanların istifadəsidir.

Belə xestelerde bir növ dəstək məqsədli müalicələr edilir. Əlavə olaraq bol maye qəbulu, kimyəvi maddələrə meruz qalmamaq lazımdır.

Bronxitin müalicəsində buxarlaşan məlhəm, C vitamini tərkibli qidalar arasındadır.

Müalicədə aşağıdakılar istifadə edilərsə faydalı ola bilər:

Bol maye qəbulu

Bal və limonlu ilıq su içmək (Əgər hansınasa qarşı allergiya yoxdursa)

Zəncəfil, sarıkök kimi bitki çayları

Duzlu su ilə qarqara etmək

Tütün məhsullarından imtina

İnhalyasiyadan istifadə etmək.

Əksər zaman virus səbəbli olduğu üçün akut bronxitdə antibiotik istifadəyə ehtiyac yoxdur. Xüsusilə infeksiya əlaməti olmadan təkrarlayan bronxit krizlərində allergik olan və ya olmayan astma mütləq ağıla gəlməlidir.
Astma ilə bronxit arasındakı əlaqə nədir?

Astma da əslində bir növ bronxitdir. Astma xəstəliyində hava yollarında yəni bronxlarda inkişaf edən inflamasyon mikrobik deyildir. Allergenlərə, müxtəlif toz, duman və ya kimyəvi maddələrə bağlı olaraq ortaya çıxa bilər.

Bronxitin müalicəsində tibbi vasitələrlə yanaşı təbii vasitələrdən də istifadə edilir.

Bronxitin tebii mualicesi nece aparilir?

Gərəklidir:

5 qr dəvədabanı yarpağı

5 qr zirə

10 qr bəlğəmotu kökü

25 qr şirin biyan kökü

Hazırlanması:

Xırda doğranılaraq qarışdırılır. Daha sonra qarışıqdan 1 xörək qaşığı götürülür. Üzərinə 1 stəkan qaynar su əlavə edilir. 2 saat ərzində dəmlənilir və süzülür. Gün ərzində 3 dəfə istifadə etmək mümkündür. 1 xörək qaşığı qədər qəbul edilməlidir.

Digər resept:
1 stəkan süd və 1 xörək qaşığı adaçayı bir qaba tökülür. Az qazda qaynadılır. Soyudulur və daha sonra yenə qaynadılır. Yatmazdan öncə isti halda qəbul edilir.
Gülxətmi bitkisi də öskürək əleyhinə olan bitkilərdən hesab edilir.

Bunun üçün xırdalanmış 50 qr gülxətmi kökü lazımdır. Həmçinin 50 qr kəklikotu kökü qarışığından 3 xörək qaşığı 0,5 l qaynar suda 10-15 dəqiqə dəmlənilir. Gün ərzində 3 dəfə qəbul edilir. 0,5 stəkan qəbul etdilməyi kifayətdir.

Moruq yarpaqlarının çayını içmək də sinəyə çox yaxşı təsir göstərir. Bəlğəmin qarşısını alır. Laringit və bronxit zamanı tövsiyə edilir.
Həmçinin bununla bağlı həkim-fitoterapevt Fizuli Hüseynov da bu problem üzrə faydalı olacaq məcunun reseptini təqdim edib.

Gərəklidir:

Qarazirə tozu 50 qram

Ud hindi tozu 50 qram

Andız kökü tozu 40 qram

Biyan kökü tozu 40 qram

Bal 500 qram

Propolis (vərəmum) 50 qram

Zəncəfil tozu 40 qram

Keçibuynuzu bəkməzi 500 qram
Hazırlanması:

Bitkilər quru toz formasında olmalıdır. Bunlar bal və bəhməzlə qarışdırılır. Propolisi 1 gün ərzində soyducunun buzxanasında saxlayıb sürtkəcdən keçirib məcuna qarışdırmaq lazımdır. Hazır olan qarışımı böyüklər və kiçiklər istifadə edə bilərlər. Belə ki, böyülklər, uşaqlar da gündə 3 dəfə istifadə edə bilərlər. Böyüklər yeməkdən 1 saat əvvəl 1 xörək qaşığı, uşaqlar isə 1 saat əvvəl 1 çay qaşığı qədər qəbul etməlidirlər. Məcundan bronxit xesteleri ilə yanaşı xroniki bronxit, allergik bronxit, və astma xəstələri də istifadə edə bilərlər.

Qeyd edək ki, məcuna qatılanlara qarşı allergiyanızın olub-olmadığından əmin olduqdan sonra istifadəniz tövsiyə edilir.