Bronxitin təbii müalicəsi

Bronxit, allergen səbəbiylə meydana çıxan iltihabi vəziyyətdir. Bronxitdən əziyyət çəkənlər bəlğəmli öskürürlər. Öskürək, bəzən hərarət, qarın ağrısı, iştahsızlıq və s. kimi əlamətlərlə özünü biruzə verir.

Doktorinfo.az xəbər verir ki, dəqiq müayinə və müalicəni isə allerqoloq təyin edir. Bronxit barədə daha geniş məlumatı öncə dərc edilən məqaləmizdən əldə edə bilərsiniz.

Müalicə zaman tibbi vasitələrlə yanaşı təbii vasitələrdən də istifadə edilir. Bəs bu problemə nə yaxşı təsir göstərə bilər?

Bronxitin tebii mualicesi nece aparilir?

Gərəklidir:

5 qr dəvədabanı yarpağı

5 qr zirə

10 qr bəlğəmotu kökü

25 qr şirin biyan kökü

Hazırlanması:

Xırda doğranılaraq qarışdırılır. Daha sonra qarışıqdan 1 xörək qaşığı götürülür. Üzərinə 1 stəkan qaynar su əlavə edilir. 2 saat ərzində dəmlənilir və süzülür. Gün ərzində 3 dəfə istifadə etmək mümkündür. 1 xörək qaşığı qədər qəbul edilməlidir.

Digər resept:
1 stəkan süd və 1 xörək qaşığı adaçayı bir qaba tökülür. Az qazda qaynadılır. Soyudulur və daha sonra yenə qaynadılır. Yatmazdan öncə isti halda qəbul edilir.
Gülxətmi bitkisi də öskürək əleyhinə olan bitkilərdən hesab edilir.

Bunun üçün xırdalanmış 50 qr gülxətmi kökü lazımdır. Həmçinin 50 qr kəklikotu kökü qarışığından 3 xörək qaşığı 0,5 l qaynar suda 10-15 dəqiqə dəmlənilir. Gün ərzində 3 dəfə qəbul edilir. 0,5 stəkan qəbul etdilməyi kifayətdir.

Moruq yarpaqlarının çayını içmək də sinəyə çox yaxşı təsir göstərir. Bəlğəmin qarşısını alır. Laringit və bronxit zamanı tövsiyə edilir.
Həmçinin bununla bağlı həkim-fitoterapevt Fizuli Hüseynov da bu problem üzrə faydalı olacaq məcunun reseptini təqdim edib.

Gərəklidir:

Qarazirə tozu 50 qram

Ud hindi tozu 50 qram

Andız kökü tozu 40 qram

Biyan kökü tozu 40 qram

Bal 500 qram

Propolis (vərəmum) 50 qram

Zəncəfil tozu 40 qram

Keçibuynuzu bəkməzi 500 qram
Hazırlanması:

Bitkilər quru toz formasında olmalıdır. Bunlar bal və bəhməzlə qarışdırılır. Propolisi 1 gün ərzində soyducunun buzxanasında saxlayıb sürtkəcdən keçirib məcuna qarışdırmaq lazımdır. Hazır olan qarışımı böyüklər və kiçiklər istifadə edə bilərlər. Belə ki, böyülklər, uşaqlar da gündə 3 dəfə istifadə edə bilərlər. Böyüklər yeməkdən 1 saat əvvəl 1 xörək qaşığı, uşaqlar isə 1 saat əvvəl 1 çay qaşığı qədər qəbul etməlidirlər. Məcundan bronxit xesteleri ilə yanaşı xroniki bronxit, allergik bronxit, və astma xəstələri də istifadə edə bilərlər.

Qeyd edək ki, məcuna qatılanlara qarşı allergiyanızın olub-olmadığından əmin olduqdan sonra istifadəniz tövsiyə edilir.